Lugo 28 de novembro de 2014.- A cidade da Muralla foi o lugar elixido pola Comisión Provincial da muller do PP de Lugo para clausurar a campaña de prevención da violencia de xénero que a organización iniciou o 24 de novembro de 2013 e se desenvolveu impartindo charlas informativas nas distintas zonas da provincia lucense.
Nun abarrotado salón do centro social Uxío Novoneyra, foi, novamente, o representante da Asociación Galega de Homes pola Igualdade, Celso Taboada Lorenzo o encargado de impartir a conferencia que levou por título: “Mirar con outros ollos: ver e detectar a violencia implícita”.
Os/ as populares consideran fundamental que as novas xeracións conten con referentes positivos de outros homes que se involucren neste proceso de visualización de certas realidades que agochan un machismo implícito e manifestan que hai homes implicados na loita pola igualdade, polo que dende o partido, consideran importante mostralos con orgullo.
Pola súa banda, a presidenta da Comisión de Igualdade do PPdeG e Secretaria Xeral de Igualdade, Susana López Abella, manifestou que todas as medidas son insuficientes mentres unha muller viva baixo o medo e a falta de liberdade que iso supón e calquera balance será negativo mentres haxa unha sola muller asasinada por esta causa, posto que isto significa que non viviremos nin disfrutaremos dunha sociedade verdadeiramente democrática, que poida vivir libre e en igualdade.
“Pero non nos enganemos, esta es una loita que so poderemos gañar, entre todos e todas, en igualdade, homes e mulleres, mulleres e homes por iso e necesario romper co silencio que lles destrúe no presente e que temos que evitar no futuro”- esgrimiu.
A coordinadora da Comisión Provincial do PP de Lugo, Mari Teijeiro, asegurou que o remate desta campaña informativa non implica o fin de actividade da Organización. “Non está todo feito, seguiremos traballando en materia de prevención e concienciación”- aseverou.
O Partido Popular reiterou o seu compromiso “de ser axente activo na loita contra os malos tratos ás mulleres, dende as xeracións máis novas da sociedade” e lembrou a finalidade desta campaña, que non foi outra que, mediante o uso simbólico dunhas lentes malvas, ensinar a mirar con outros ollos.
A conferencia desta tarde englóbase na campaña de prevención da violencia de xénero que os/as populares presentaron o pasado 24 de novembro en Lugo e que leva por título “no amor non te cegues, usa as gafas malva”, e que tivo como broche final a sesión celebrada hoxe na capital da provincia, tendo previstas novas accións de loita e prevención.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
