O BNG burelao pídelle ao PP local que non tente enganar á poboación con escusas de mal pagador, acláranlles que o BNG nunca renunciou ao dragado do encoro de Rúa porque nunca deixou de ser parte do proxecto inicial, mais ben existe a negativa do actual goberno galego a executalo e un cambio de discurso evidente dos gobernos locais dos dous municipios.
Pídenlle ao PP que se informen porque a intención inicial de depositar os lodos ao lado do encoro de Rúa, tal como se definía no proxecto inicial elaborado polo goberno Fraga en 1999, incumpría a lexislación ambiental de transportalos e depositalos nun xestor autorizado que deriva nun encarecemento da obra que agora o PP non quere asumir. Os nacionalistas repróchanlle ao PP que tire balóns fora, e faino a mesma organización política que incumpría a lexislación ambiental en 1999 e faino agora en 2014 cando depositou na zona do Berbés en Burela o lixo procedente da limpeza de sumidoiros ate que o BNG denunciou a situación.
Para o BNG o PP ten mala memoria e esquece que foi a propia Delegada da Xunta en Lugo quen nunha visita á ETAP de Cervo en novembro de 2010, quen comprometeu o dragado do encoro de Rúa e mesmo o anterior conselleiro de Infraestruturas, Agustín Hernández, tamén o fixo si así o demandaban os concellos, cousa que xa sucedeu con acordos plenarios dos dous concellos en 2010. A pesar disto, ningún dos orzamentos da Xunta incluíron partida económica algunha para executar esta obra nin tampouco se aceptaron as iniciativas do BNG para a súa execución.
Para os nacionalistas “é significativo que esta problemática teña a súa orixe na segregación de Burela do concello de Cervo, á que o alcalde sempre se refire cando fala da débeda, mais todo o mundo en Burela sabe que esa segregación foi promovida polo propio Partido Popular, polo que toda a responsabilidade que dela se deriva é do PP; nunca mellor dito, daqueles polvos, estes lodos”.
A auga subeu en Burela máis dun 200% desde 2011
As veciñas e veciños de Burela soportamos subas no servizo de abastecemento de auga entre 2011 e 2014 que nalgúns casos superan o 220% entre amortización da obra, canon de saneamento e beneficios empresariais da empresa privada que xestiona o servizo do abastecemento conxunto a Cervo e Burela e o propio de Burela pero ao PP isto non lle preocupa, unicamente trata de tapar con mentiras os incumprimentos da Xunta gobernada polo seu partido. A taxa da auga pasou de 0,21 a 0,63 €/m3, ao que temos que engadir os custes que ten o Consorcio da Auga para toda a veciñanza de Burela e que en 2013 ascenden a 240.000 €.
Todo isto repercute no recibo da auga dos veciños de Burela e Cervo, como sinala o BNG “chega con revisar a evolución das facturas da auga para o mesmo mes do ano durante os anos 2011, 2012, 2013 e 2014 para comprobar que o importe aumentou considerabelmente, e cando o BNG trata de pedir a súa revisión e fórmulas para reducir este impacto nas economías familiares e das empresas locais, o PP ponse á defensiva no canto de reaccionar na busca de solucións.
Outra cuestión incomprensible para o BNG é o feito de que dende o PP consideren que non é lóxico proceder ó dragado debido ós custes de 1,7 millóns de euros, cando en Lourenzá a Xunta sí que procedeu a levar a cabo unha obra moi similar por valor de 1,1 millóns de euros. Lembran que o que correspondería no PP de Burela co alcalde á cabeza é defender os intereses da veciñanza do seu concello non a dos concellos veciños. A limpeza do encoro de Rúa ademais de reducir custes de mantemento no sistema axudará a evitar avaría na Etap.
Por último, os nacionalistas lamentan as acusacións por parte dos populares de falta de traballo, ausencia de propostas e alternativa; lonxe de dar calquera tipo de argumento, acusan ao chou e sen base ningunha, posto que o BNG ten demostrado en Burela traballar na rúa sempre do lado dos veciños e mirando o interese xeral, en contraste cos que gobernan, que semellan estar moi cómodos nos sofás dos despachos pero están afastados a quilómetros de distancia dos problemas reais das burelás e dos burelaos.
Os cortes de circulación aplicaranse desde as 12.15 horas ata a finalización da sesión vermú e, de novo, desde as 20.30 horas ata o remate das actividades festivas en ambas as dúas xornadas. O Concello agradece a comprensión da veciñanza e recomenda planificar os desprazamentos tendo en conta estas restricións temporais.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
As persoas asistentes poderán degustar a tradicional merluza de pincho preparada en diversas elaboracións, nun ambiente festivo que se completará con animación musical para gozar dunha noite de sabor, encontro e bo ambiente.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
