O Pleno da Deputación de Lugo aprobou este martes os primeiros orzamentos participativos dun organismo provincial en España, que, segundo destacou durante o debate a Deputada de Economía, Recadación e Facenda, Pilar García Porto, reúnen tres características: “son uns presupostos feitos cos lucenses e para os lucenses, que cumpren coas prioridades que marcaron 55.000 veciños ó destinar 35 millóns de euros para emprego, infraestruturas e políticas sociais; aumentan os investimentos e transferencias nun 7%, e reducen en 10 millóns a débeda para deixala a cero no 2016”.
García Porto subliñou que o Goberno provincial “escoitou aos veciños e puxémonos mans á obra dende o primeiro momento, sen esperar a xaneiro. Estamos cumprindo xa este mesmo co que nos pediron e seguirémolo facendo no 2015”.
O Orzamento aprobado hoxe no Pleno, de 89,4 millóns de euros, demostra, subliñou a Deputada, “que hai unha progresista clara, viable e solvente a unha dereita que non fai máis que recortar dereitos e servizos”.
A delegada de Economía destacou neste senso que o Goberno progresista da Deputación “multiplicou por 370 veces nos últimos 8 anos os investimentos en emprego e nun 90% os fondos para servizos sociais, mentres a Xunta segue sen dotar ao HULA de Radioterapia, Medicina Nuclear e Hemodinámica as 24 horas, entre outros servizos e infraestruturas. Feijóo está desaparecido na provincia”.
A Deputada explicou no Pleno como cumpre e seguirá cumprindo o organismo provincial no Orzamento 2015 coas peticións veciñais.
A Deputación cumpre cos veciños en emprego
En decembro lanzará un novo plan de emprego de 5 millóns de euros para todos os concellos da provincia e no Orzamento do 2015 outros 6,6 millóns, tamén para todos os municipios. Mantén ao mesmo tempo os tres plans de emprego que hoxe están en marcha con máis de 1.100 beneficiarios.
Creará polo menos 80 novos postos traballo coa apertura do 1º centro público de recría de España e as 6 primeiras residencias e centros públicos da terceira idade, e seguirá impoñendo cláusulas sociais que blindan os dereitos dos traballadores.
Cumpre en infraestruturas
Se ben nos últimos anos, priorizou o emprego e os servizos sociais “ante os recortes e ineficacia das administracións coas competencias, nas contas da Deputación volven a cobrar forza agora os fondos para infraestruturas porque así nolo piden os veciños”, explicou García Porto.
A Deputación reforzou xa este ano as partidas con 9,2 millóns de euros para infraestruturas e no Orzamento do 2015 suman 11,5 millóns.
A mellora das estradas Friol-Parga e Momán-As Pontes, o acceso ao Pazo de Tor e unha canalización de augas no Saviñao son só algunhas das peticións veciñais que vai a cumprir o Goberno provincial.
Cumpre en políticas sociais
“Non só en emprego temos que suplir á Xunta e ó Goberno central, tamén en políticas sociais. En 8 anos aumentamos un 90% os investimentos que facía o anterior goberno do PP en benestar social, ata alcanzar os 4,5 millóns do 2015”, subliñou a Deputada.
Ademais, abrirán 6 residencias e centros de día públicos para a terceira idade. Cumprindo coas peticións veciñais, a Deputación construirá varios campos de fútbol, instalacións deportivas e centros sociais, entre outras dotacións.
Destinará máis de 2,4 millóns á educación pública; 6,7 millóns a cultura e museos; e 3,8 millóns a Deportes, co que seguimos sendo a Deputación española que máis inviste en deporte por habitante e ano.
A responsable de Economía destacou que co actual Goberno provincial, a Deputación “viviu unha transformación impresionante, como demostran os feitos. Hoxe é unha institución moderna, transparente, eficaz, sensible ás demandas dos lucenses, tamén nos seus orzamentos, e que ademais xestiona ben os fondos públicos cunhas contas totalmente saneadas e estables”.
Soben os Gastos de Persoal pola apertura das residencias
A Deputada indicou que os Gastos de Persoal soben un 0,9% no 2015 pola posta en marcha de 6 residencias da terceira idade, despois de baixar 11 millóns de euros dende o 2007. Os Gastos Correntes baixan 1,4 millóns; as Transferencias Correntes aumentan un 14% ata os 10,1 millóns; e os Investimentos increméntanse 1 millón ata os 23,6 millóns. A débeda pasou dos 122 millóns de euros que deixou orzamentado no 2007 o Goberno do PP aos 12 cos que rematará o 2015. No 2016, o endebedamento quedará a cero.
Día Internacional contra Violencia de Xénero
Con motivo da celebración hoxe do Día Internacional Contra a Violencia de Xénero, o Presidente quixo iniciar a sesión plenaria “lembrando ás 45 mulleres de España que foron asasinadas este ano a mans das súas parellas ou ex parellas e, especialmente, ás 6 galegas: María José, María Luisa, María Elena, Belén, Sara e Mónica”. Gómez Besteiro defendeu que “a loita contra a violencia de xénero debe ser unha prioridade para os poderes públicos, unha loita que ten que ir acompañada de medios económicos e unha lexislación forte, que protexa os dereitos e liberdades”.
Servizos Médicos en Riotorto
A sesión aprobou por unanimidade a moción do Goberno Provincial para demandar á Consellería de Sanidade que, coa maior urxencia, proceda a cubrir a praza médica vacante no centro de saúde de Riotorto. A Deputación trasladará deste acordo a dita Consellería, á Delegada da Xunta de Galicia en Lugo e ao Xerente da área de xestión integrada de Lugo, Cervo e Monforte.
Corredor Lugo-Sarria-Monforte
O Pleno aprobou, co voto en contra do PP, a moción do Goberno Provincial para esixir á Xunta de Galicia que converta en autovía o corredor Lugo-Sarria-Monforte, desdobrando o carril por sentido de circulación; e que incremente as medidas de seguridade e vixilancia na zona ata que isto non se produza, ante os numerosos sinistros que se rexistran.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
