Cervo, 25 de novembro de 2014- O alcalde de Cervo, Alfonso Villares, e técnicos municipais reuníronse este martes con responsables da Tesorería General de la Seguridad Social en Madrid para buscar solucións a unha sentenza do Tribunal Superior de Xustiza de Galicia que condena ao Concello de Cervo a retrotraer o expediente de reparcelación da Unidade de Actuación do Hospital de Burela.
Para explicar a situación actual é importante coñecer a orixe dos feitos. No ano 1991 o Concello de Cervo en mans do PSOE, e cando Burela aínda formaba parte de Cervo, fixo unha reparcelación dos terreos do Hospital. Naquel momento tamén gobernaba o PSOE no Estado. Dezaseis anos despois, no 2007, na época de Zapatero e pouco antes das eleccións municipais, a Tesorería General de la Seguridad Social decide denunciar esa mesma reparcelación.
Ante esta situación, o Concello de Cervo encárgalle a defensa xurídica á Deputación. Sen embargo, o resultado non é favorable e en maio de 2014 o Tribunal Superior de Xustiza de Galicia condena ao Concello de Cervo a retrotraer o expediente de reparcelación. É dicir, a Xustiza considerou como mal feita a reparcelación que 23 anos antes fixeran o PSOE en Cervo e o PSOE en Madrid.
Desta maneira, segundo a sentenza, o Concello de Cervo tería que deixar sen efecto a reparcelación nuns terreos que hoxe en día pertencen a outro concello, o de Burlea, e nos que Cervo non pode actuar. Polo tanto, a decisión do TSXG é imposible de realizar. Por ese motivo, dende maio deste ano, o Concello de Cervo está en contacto coa Tesorería para tentar chegar a un acordo e a reunión de hoxe é un paso máis nesas conversas.
Unha situación “surrealista”
O alcalde de Cervo, Alfonso Villares, cualifica de “surrealista” a situación creada polas diversas administracións socialistas. “Primeiro o PSOE no Concello de Cervo e o PSOE no Estado fan a reparcelación e, 16 anos despois a Tesorería, tamén en mans do PSOE, denuncia esa mesma reparcelación que ao final a Xustiza considera mal feita”, explica o rexedor. “É incrible que agora, pasados 23 anos, os veciños de Cervo teñan que pagar un problema xudicial provocado polo PSOE e denunciado polo mesmo PSOE”.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
