O Xulgado de Instrución nº 1 de Lugo, fixo un requirimento de documentación a este Concello en relación coa empresa Aquagest solicitando os expedientes da adxudicación da concesión dos servizos de subministración de auga e rede de sumidoiros, copias de todos os contratos, convenios, etc. mantidos ao longo do tempo con ela e así como calquera outro tipo de pagamento realizado a esa empresa.
Xa nese mesmo momento se deu orde aos funcionarios que recaben toda a documentación requirida que vai desde febreiro do ano 1998, data da adxudicación dos servizos municipais citados, até a actualidade para enviala a ese Xulgado, dando cumprimento estrito ao requirido nese oficio xudicial.
Como esta documentación abrangue un período moi longo, de máis de dezaseis anos, os técnicos municipais teñen localizado boa parte da documentación requirida, que será enviada inmediatamente, xunto cos listados contables de todos os pagamentos realizados.
Para o resto da documentación existente nos arquivos municipais e do que pide copia debe facerse unha busca manual, polo que aos técnicos municipais levaralles varios días localizar a totalidade da documentación, momento no cal será tamén inmediatamente enviada.
Coa fin de dar a máxima transparencia convocouse no día de hoxe á Xunta de Portavoces para que todos eles sexan coñecedores de primeira man deste requirimento.
Desde o Goberno Municipal e desde esta alcaldía queremos expresar o noso máximo interese en colaborar coa Xustiza actuando con transparencia e facilitando canta documentación se nos requira.
Ribadeo, 27 de novembro de 2014.
A obra premiada aborda a emigración galega desde unha voz feminina, e o pregón destacou o traballo colectivo e a transmisión entre xeracións dentro da Banda. Con este acto, o Concello dá inicio a unha programación festiva que nos próximos días combinará tradición, cultura, deporte e música para todos os públicos.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
