A Dirección Xeral de Protección Civil e Emerxencias do Ministerio do Interior, de acordo coas predicións da Axencia Estatal de Meteoroloxía (AEMET), avisa por ventos e chuvia na metade norte peninsular, especialmente, en Galicia, Asturias e Cantabria.
Os ventos costeiros poden provocar ondas superiores aos 5 metros de altura nas costas de Galicia e os refachos de vento no litoral da Coruña, Lugo, e nas zonas de montaña de Ourense, Asturias e Cantabria poderían alcanzar os 100 km/h. As precipitacións poderían alcanzar os 15 m/l nunha hora.
Ante chuvias intensas e persistentes:
– Se vai conducindo, diminúa a velocidade, extreme as precaucións e non se deteña en zonas onde poida discorrer gran cantidade de auga.
– Se ten que viaxar, procure circular preferentemente por estradas principais e autoestradas.
– Se comeza a chover de xeito torrencial, pense que existe risco de inundación. Non atravese co seu vehículo nin a pé os tramos inundados, porque descoñece o que pode haber debaixo da auga, e localice os puntos máis altos da zona. Non intente salvar o seu automóbil no medio dunha inundación.
– Se se encontra no campo, hai que afastarse dos ríos, torrentes e zonas baixas de abas e outeiros, evitando atravesar vaos inundados. Igualmente, debe dirixirse aos puntos máis altos da zona.
– Non obstante, o difícil prognóstico dos fenómenos tormentosos aconsella manterse informado en todo momento da posible evolución dos cambios meteorolóxicos.
Ante o risco de inundacións:
. Mantéñase permanentemente informado, a través da radio e doutros medios de comunicación, das predicións meteorolóxicas e do estado da situación.
. Non conduza en áreas inundadas. Abandone o automóbil e busque un terreo máis alto cando se vexa rodeado por unha corrente de auga.
. Procure circular, preferentemente, por estradas principais e autoestradas.
. Procure afastarse de vías e torrentes e non trate de atravesar a pé vaos inundados ou correntes de auga.
. Se ten que evacuar o seu domicilio, traslade os artigos esenciais aos pisos máis altos, peche a toma principal de electricidade e gas e siga as instrucións das autoridades.
Ante fortes ventos:
– Convén asegurar portas, ventás e todos aqueles obxectos que poidan caer á vía pública e afastarse de cornixas, árbores, muros ou edificacións en construción ou grúas que poidan desprenderse. Tamén, convén absterse de subir ás estadas sen as axeitadas medidas de protección.
– Se vai conducindo, extreme as precaucións, especialmente na saída de túneles, adiantamentos e cruzamento con vehículos pesados en estradas de dobre sentido. Poña atención ante a posible presenza de obstáculos na estrada.
Ante ventos costeiros:
– Se se encontra en zonas marítimas, procure afastarse da praia e doutros lugares baixos que poidan ser afectados polas elevadas mareas e ondadas que adoitan xerarse ante a intensidade de ventos fortes
– Nestas situacións, o mar adquire condicións extraordinarias e pode arrastralo se se encontra nas proximidades do mar.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
