A Xunta de Goberno este venres resolveu o plan en impulso do sector primario e do rural da Deputación, concedendo un total de 237 axudas por valor de 1,7 millóns de euros. O voceiro provincial socialista, Manuel Martínez, adiantou que en xaneiro o organismo provincial porá en marcha a programación do 2015, incrementando en 500.000 euros o seu presuposto e ampliando as actividades obxecto de subvención, en resposta ás peticións veciñais nas xuntanzas participativos. Serán axudas de 2,2 millóns de euros para a recuperación de terras abandonadas, pesca de baixura, horticultura, producción de viño, infraestruturas veciñais, centros sociais ou traídas de auga.
As subvencións resoltas na sesión de hoxe distribúense do seguinte xeito:
– 114 para a recuperación de terras abandonadas. A axuda por hectárea é de 500 euros, podendo recibir un máximo de 9.000 euros. Os beneficiados son gandeiros e agricultores a título individual, ou ben agrupacións, SAT ou personas xurídicas que teña titularidade de explotacións. Estes deberán ter a parcela a produción durante un período mínimo de dous anos. No caso de incumprir este requisito, perderán a axuda. Ademais, terán que xustificar, achegando a declaración da renda, que polo menos o 50% dos seus ingresos procede da actividade agropecuaria co fin de conceder estas axudas a quen realmente vive, traballa e crea emprego no campo. “Somos a primeira Deputación galega que ofrece este tipo de axudas. Facémolo, tendo en conta que a superficie agraria abandonada en Galicia aumentou, na última década, en máis dun 66%, sobre todo na provincia de Lugo. Hoxe, o 80% do territorio galego está sen poñer a producir”, subliñou o voceiro.
– 43 para traídas de auga. Destas, 19 son para novas instalacións, sendo a axuda máxima de 30.000 euros, e 24 para melloras nas existentes, sendo o límite 10.000 euros. Os beneficiados son comunidades de montes ou de usuarios, así como asociacións de veciños. Nos criterios de valoración, priorizouse o número de usuarios que se dedicen á actividades agropecuaria con fin de axudar ó sector primario.
– 80 para o acondicionamento de estruturas de uso comunitario. Por exemplo, arranxo de camiños, fontes, bebedeiros, depósitos de incendios ou sistemas de regadío comunitario. O máximo por beneficiario é de 12.000 euros.
A vindeira semana, o BOP publicará a listaxe de beneficiados, que tamén se poderá consultar en www.deputacionlugo.gal.
Colección de Álvaro Gil
A sesión aprobou a adxudicación do contrato para a subministración de 40 pezas da colección de ourivaría de Álvaro Gil. Nos vindeiros días, o Presidente, José Ramón Gómez Besteiro, asinará este contrato cos herdeiros do mecenas. Posteriormente, no prazo de 7 días, a pezas voltarán ao Museo Provincial. Martínez salientou que “solventamos outra débeda do Partido Popular, que durante 15 anos mantivo mortas as negociacións coa familia, conseguindo que esta colección pase a ser patrimonio de todos os lucenses”.
Rutas de sendeirismo
A Xunta de Goberno aprobou a contratación de obras de mellora en rutas de sendeirismo situadas nas Reservas da Biosfera Terras do Miño e Os Ancares Lucenses por valor de 171.155 euros, procedentes do Lug02, o programa medioambiental da Deputación en impulso destes espazos naturais, que financia a Unión Europea nun 80%. Martínez destacou que “estes traballos complementan os executados noutras 12 rutas de sendeirismo, nas que arranxamos un total de 82 quilómetros, con outros 130.000 euros do Lug02”. As rutas xa recuperadas son: Paseo do río Rato (3,10 quilómetros), ruta de Lugo ó Piago (14,40 quilómetros) e ruta da Fervenza (15 quilómetros), as tres situadas no Concello lugués; Insuas do Miño (5,10 quilómetros) en Outeiro de Rei; ruta da Seimeira (3,10 quilómetros) na Pontenova; Retorta (5 quilómetros) e Penedo da Forca (3,20 quilómetros) en Navia de Suarna;
ruta de Castelo a Igrexa de Donís (2,98 quilómetros) e de Castelo a Moreiras (4,37 quilómetros) en Cervantes; Queixoiro (6,40 quilómetros), Villardiaz-San Andrés (8,30 quilómetros), e ruta dos Puintores (11 quilómetros) na Fonsagrada.
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
