“Portos de Galicia centrou todo o seu esforzo en devolver a operatividade aos peiraos afectados polos temporais do pasado inverno, con especial atención ás infraestruturas destinadas ao sector profesional”. Así o explicou este venres o presidente do ente público, José Juan Durán, en resposta a unha pregunta parlamentaria sobre o plan de acción desenvolvido para recuperar as infraestruturas danadas polo tren de borrascas do primeiro trimestre do ano.
Durán Hemida remarcou que a prioridade de actuación do departamento que preside foi en todo momento “garantir a seguridade dos usuarios e devolver a operatividade aos peiraos coa maior premura posible técnica e económicamente”. Así mesmo, lembrou que o 2014 “foi un ano de extrema dificultade para Portos de Galicia” que, a nivel económico “estivo condicionado polos enormes danos sufridos”. Neste sentido, subliñou o investimento de preto de 4 millóns de euros realizado nas grandes actuacións de reparación de infraestruturas aos que se sumaron outros 4,2 millóns de gasto corrente para outras reparacións menores derivadas tamén no temporal, incluídas na obriga de mantemento e conservación dos peiraos.
Na súa intervención José Juan Durán repasou as actuacións de maior envergadura executadas e en execución ou tramitación, dentro da partida de reparacións dos danos do temporal e explicou que para a afrontar estes traballos foron necesarias dúas modificacións orzamentarias, coa súa preceptiva tramitación e prazos administrativos. En concreto, referiuse a cinco grandes obras xa rematadas, por importe de 2 millóns de euros (IVE excluído). Trátase das reparacións nos peiraos de Celeiro (Viveiro), por importe de 804.217 euros; Malpica, 582.334 euros; Cariño, 247.534 euros; A Guarda, 226.092 euros; e Santa Mariña de Camariñas, 139.821 euros.
A continuación, relatou as obras que se atopan en execución ou tramitación debido á necesidade de habilitar unha nova modificación orzamentaria a cargo do ente público por importe total de máis de 1.150.000 euros. Inclúense nesta modificación as reparacións de Camelle (220.385 euros); Foz (173.312 euros); Burela (108.566 euros); San Cibrao (107.058 euros); Viveiro (79.927 euros); Malpica (124.937 euros); Cambados (103.253 euros) e Santa Cruz, en Oleiros (232.920 euros).
Ademais, na súa resposta, insistiu en que “Portos de Galicia mantivo en todo momento un posicionamento realista e baseado nas directrices técnicas como requería a situación” e sinalou que o ente público “estableceu como obxectivo do ano, devolver a plena operatividade ás infraestruturas de cara ao inverno que acaba de comezar”. “Así o comprometimos e así o estamos facendo, sempre na medida do que a dispoñibilidade orzamentaria e o rigor da tramitación administrativa nos permiten”, engadiu.
Finalmente, o presidente de Portos reiterou o seu “apoio incondicional, aos profesionais que sufriron en primeira persoa as consecuencias dun temporal de extraordinaria agresividade e o agradecemento pola súa colaboración á hora de paliar os efectos das borrascas”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
