O filme de Ignacio Vilar, A ESMORGA (Vía Láctea Filmes, Editorial Galaxia e TVG), está a piques de pechar o 2014 converténdose nun éxito indiscutible do cinema galego.
A adaptación cinematográfica da novela de Blanco Amor protagonizada por Karra Elejalde, Miguel de Lira e Antonio Durán “Morris” segue emocionando os espectadores galegos e está a piques de iniciar a súa 7ª semana na carteleira das principais cidades galegas, un dato histórico e impensable hai tan só uns meses para unha produción independente en V.O. en galego e tendo en conta a competencia habitual destas datas con grandes superproducións.
Alén dos 37.500 espectadores que xa viron o filme en Galicia, a excelente acollida do público durante o Nadal permitirá ao Bocas, o Cibrán e o Milhomes continuar a súa particular esmorga polos cines galegos na primeira semana de 2015. O filme exhibirase na Coruña (CC Os Cantóns e CC Os Rosales), Vigo (CC Gran Vía), Santiago de Compostela (CC As Cancelas), Ribadeo (Cines Cinelandia) e Caldas de Reis (Cines Avenida), así como no Auditorio Municipal de Ourense e no Teatro Municipal de Viveiro.
Na cidade das Burgas concretamente, onde se inspira a obra e onde foi rodada a meirande parte do filme, A ESMORGA foi vista onte por 102 espectadores nunha soa sesión. Tamén é relevante a cifra acadada en Vigo, onde o filme foi visto onte por máis de 90 espectadores, e a dos cines de Santiago de Compostela (CC As Cancelas), onde asistiron ao pase de onte 80 espectadores nunha soa sesión.
En termos xerais, velaquí o ránking de cidades onde o filme foi máis visto desde a súa estrea o pasado 21 de novembro:
VIGO: 8.602 espectadores
SANTIAGO: 6.606 espectadores
A CORUÑA: 6.250 espectadores
OURENSE: 5.468 espectadores
LUGO: 3.176 espectadores
FERROL/NARÓN: 2.227 espectadores
PONTEVEDRA: 1.607 espectadores
Alén do éxito en Galicia que, sen dúbida, marcará un antes e un despois no cinema galego, cómpre lembrar que A ESMORGA converteuse no 2º filme en recadación media por copia en todo o estado español na fin de semana da súa estrea e situouse no Top 10 dos filmes máis vistos na carteleira española na súa segunda semana. A crítica estatal e internacional non ficou indiferente a este fenómeno e tamén se fixo eco deste éxito (http://aesmorgafilme.com/falan-da-esmorga/, http://aesmorgafilme.com/critica-hollywood-reporter/). Avalados por esta boa acollida, os produtores non descartan que a estrea de A ESMORGA no resto do estado español na primavera de 2015 siga dando moitas sorpresas
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
