Despois dun mes, o Burela FS Pescados Rubén retoma a competición de Primeira División RFEF tras a exitosa representación laranxa no V Torneo Mundial de Costa Rica. Mañá despedirá o ano na pista do Majadahonda FSF AFAR 4 (19.00 horas, A Granadilla).
“Durantes estas semanas tratamos de manter a preparación e o nivel de traballo e esixencia para volver á competición o mellor posible; tan só puidemos dispoñer de seis xogadoras, polos compromisos de xogadoras coas súas seleccións e problemas físicos entre outras cousas, pero traballamos coa mesma intensidade, un bo síntoma de que o equipo quere seguir na mesma liña” explicaba o adestrador laranxa, Quico Otero.
Desde a terceira praza (27 puntos), o Burela FS quere recibir o novo ano con tres novos puntos na casa do duodécimo clasificado (8 puntos) para non desaproveitar opcións no podio. “Son tres puntos moi importantes para seguir á espreita do Atlético (31 puntos) e pelexando de ti a ti co Cidade das Burgas (27 puntos” matizaba o técnico mariñán.
“Debemos xogar con fluidez” adiantaba Quico Otero, inciciendo nas virtudes do rival, un equipo de envergadura e choque: “O seu maior perigo é o sistema defensivo; é unha incógnita. Ás veces presiona en toda a cancha e outras sitúase nos 15 metros.En ataque é moi directo, busca moito o pivote” analizaba o burelista.
Quico recibiu as internacionais, con cansazo acumulado e desaxustes de horarios, para os últimos adestramentos. Peque, que conseguiu o Bronce con España, e Shiori, sexta con Xapón, chegaron a Burela o mércores; Jozi, pentacampioa do Mundo con Brasil, tan só puido realizar unha sesión co grupo. Tainã e Gaby incorporaranse esta tarde á expedición mariñá, que partiu ás 14.00 horas de Burela, tras a súa viaxe a Brasil por motivos burocráticos. A única ausencia no vestiario laranxa será Bea Mateos, que se recupera dunha lesión de xeonllo.
Convocatoria Burela Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 13. Patri, 17. Maite, 18. Shiori, 19. Paula, 20. Tainã.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
