O Burela FS Pescados Rubén pon esta noite o broche á primeira volta ligueira na pista do Montesinos Jumilla FS (21.00 horas, pavillón Carlos García Ruiz, xornada unificada) cunha final por diante, con corenta minutos para un soño. Os pupilos de Juanlu contan as horas para saltar á pista, aínda con opcións para clasificarse para a Copa de España Cidade Real 2015; son novenos con 19 puntos.
“Nós debemos saír a gañar coma sempre, independentemente das nosas opcións para a Copa; este é un proxecto de paso a paso, de partido a partido, estruturado para asentarse na categoría. Tres puntos máis suporían un excelente balance para pechar a primeira volta” aseguraba o técnico burelista, Juanlu Alonso. “Debemos facer a nosa parte e despois xa se verá, pode pasar de todo” puntualizaba o adestrador facendo referencia ás posibilidades dos da Mariña para estar na Copa, posto que, ademais de conseguir a vitoria esta noite, tamén dependen do resultado de Peñíscola FS, defendendo a oitava praza (21 puntos) na casa do Aspil Vidal Ribera Navarra FS, que gañou o billete para Cidade Real a semana pasada en Vista Alegre (2-5).
O Burela FS deberá esgotar os últimos cartuchos fronte ao décimo cuarto clasificado (10 puntos) coas baixas xa coñecidas de Jorge Bellvert e Miguel por lesión. Precisamente o estado da enfermería, coa recente recuperación de Isi e Iago Míguez, é un dos hándicaps contra os que leva loitando o equipo laranxa dende o comezo competitivo: “Conseguimos encadear cinco vitorias cuns xogadores, pero as baixas nótanse e lastráronnos nos últimos tres encontros nos que competimos aínda que nos faltou un pouco” explicaba Juanlu, que tamén quixo amosar a súa satisfacción co traballo dos seus xogadores: ”O Burela FS Pescados Rubén forma un grupo do que estar orgulloso; a estes xogadores, tanto os máis experimentados coma os máis novos, non lles podo pedir máis compromiso e mellor actitude da que están demostrando dende o comezo de liga”.
A expedición laranxa chegou onte pola mañá a terras murcianas para realizar o último adestramento da semana. Este mediodía ultimou detalles cunha sesión de vídeo.
Convocatoria Burela FS Pescados Rubén: 1. Edu, 5. Iago Míguez, 7. Isi, 10. Matamoros, 11.Chano, 13. Álex, 17. Carlitos, 23. Antoñito, 27. Renato, 29. Ángel, 30 Hélder.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
