Lugo, 01 de decembro de 14. O secretario xeral do PSdeG-PSOE, José Ramón Gómez Besteiro, dixo hoxe que Feijóo “ten unha oportunidade extraordinaria de facer valer o peso que di ter en España e no PP”. Sinalou que depende do presidente galego que o PP vote no senado, o próximo xoves, unha emenda apoiada polo PSOE a nivel estatal para destinar 50 millóns de euros a un Plan de Emprego para Galicia.
O líder socialista reclamoulle a Feijóo que aproveite esta semana para “falar cos senadores galegos e españois” e utilizar a súa suposta influenza para que aproben esta emenda “non en favor dos socialistas senón en favor de Galicia”. Sinalou que estas iniciativas son as que lle preocupan aos cidadáns, polo que instou a que “sexamos capaces de sumar con políticas nas que todos esteamos de acordo”.
Feijóo o ten “ben fácil”, dixo, para “entre rolda de prensa e rolda de prensa, entre conferencia nun lado e noutro, ter un momento para pararse esta semana, chamar aos senadores galegos e dicirlles que voten que si a esta emenda”. O obxectivo, explicou, é encetar un plan de 50 millóns de euros para impulsar o emprego da mocidade, mulleres e desempregados maiores de 45 anos.
Lembrou que a proposta xurde do remate en 2013 do Plan europeo para as rexións Obxectivo Converxencia, no que Galicia, Castela – A Mancha, Andalucía e Estremadura percibían fondos por ser obxectivo prioritario. A partir de aquel momento tanto Galicia como Castela – A Mancha desapareceron do reparto de fondos comunitarios por un “criterio político exclusivamente marcado polo PP e por Rajoy en Madrid”.
Ante esta situación de “clara discriminación”, os socialistas presentaron unha emenda ao trámite dos orzamentos no Senado cunha partida de 50 millóns de euros para impulsar o emprego nos colectivos mais desfavorecidos en Galicia e Castela – A Mancha.
Barreiro
O coordinador dos senadores socialistas galegos no Senado, Ricardo Varela, advertiu que “para que esta proposta sexa aprobada Feijóo tense que dirixir ao portavoz do Grupo Popular no Senado, o lugués José Manuel Barreiro”.
Dixo que “entre Feijóo e Barreiro está a solución de aprobar 50 millóns de euros para Galicia”, polo que reclamoulle ao presidente galego que “faga valer a disciplina interna que ten que ter con tódolos seus afiliados, e tamén co portavoz do PP no Senado.
Sinalou que esta emenda “é de xustiza, porque supón repoñer nas políticas do Estado os criterios cos que a UE manda os cartos para España” a través do Fondo Social Europeo para axudar ás rexións que estean por debaixo da media do PIB. Puntualizou que “non ten sentido que comunidades autónomas como estas teñan un Plan de Emprego e Galicia e Castela – A Mancha non o teñan.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
