Madrid, 17 Decembro de 2014.- O PP por boca do seu deputado por Lugo, Jaime de Olano, manifestou o seu rexeitamento á proposición do BNG debatida na Comisión de Fomento do Congreso para que se iniciasen negociacións con Alcoa e poder abrir o dique norte a usos comerciais debido a que non se utiliza.
O deputado do PP por Lugo, que na campaña de 2011 ás elecións xerais, defendeu firmemente esta cuestión, cambiou agora de tercio opoñéndose á proposición do BNG baixo o argumento de que “carece de lóxica económica e social”. Paradoxalmente, empregou o argumento contrario ao utilizado en 2011.
Sería beneficioso para a actividade industrial de A Mariña
Na súa intervención, Rosana Pérez lembrou que o BNG xa trouxo ao Congreso este tema no ano 2008 e lograra a aprobación dunha proposición non de lei. Lembrou que a multinacional Alcoa explota en réxime de concesión o porto comercial de San Cibrao cunha concesión que remata en 2022, máis Alcoa só utiliza o dique sur mentras permanece en desuso o dique norte desde hai anos.
A deputada do BNG afirmou que se podería adaptar a usos comerciais, e aludiu a un Informe de viabilidad elaborado en 2010 por Portos de Galiza e que avaliou a idoneidade de resgatar o dique norte para usos comerciais. No que atinxe á viabilidade económica, cualifica de “rendábel nun periodo razoábel” cun investimento na infraestrutura portuaria de 15,5 millóns.
O informe, explicou, estabelecía un cronograma de actuacións para a súa posta en funcionamento en seis anos. E para o proceso de resgate para usos comerciais, Portos de Galiza propuña a creación dun grupo de traballo conformado por Portos de Galiza, Autoridade Portuaria de Ferrol San Cibrao e Alcoa.
Destacou Rosana Pérez que na zona de A Mariña existe unha importante industria maderera que debe usar portos pequenos como o de Celeiro ou Burela e tamén destaca a actividade dunha industria de feldespato.
Cambio de posición do PP
Lembrou ao deputado do PP por Lugo, Jaime de Olano, que “no seu momento, non só houbo unanimidade no Congreso en torno á proposición do BNG, tamén no ano 2009, gobernando o PP, se aprobou no concello de Cervo. E na campaña das elecións Xerais de 2011, tanto o PP como o PSOE e o BNG comprometémonos en debate públicos a traer este tema ao Congreso de novo para que o dique norte poida ter usos comerciais”.
Dirixíndose ao deputado do PP por Lugo, lembroulle que daquela defendía con contundencia na precampaña de 2011 que se debía reivindicar esta cuestión. Incluso, subliñou, criticou ao entón Ministro de Fomento do PSOE, José Blanco por non ter feito nada ao respeito.
“Trátase pois, dun tema de longo percorrido” , afirmou Rosana Pérez. A deputada do BNG referiuse á situación actual de Alcoa A Coruña e Avilés con problemas debido ao sistema de interrumpibilidade, “coidamos que sería un bón momento apra retomar as negociacións e diversificar as actuacións na comarca”. É verdade, puntualizou, que Alcoa A Mariña non ten problemas e “desde logo defendemos absolutamente que siga en funcionamento pero entendemos que se pode compatibilizar as dúas cousas e dar servizo a outras industrias”.
Rosana Pérez deixou claro que o BNG non está demandando compromisos orzamentarios, senón simplesmente que se retomen as negociacións e coidamos “que é unha proposta asumíbel”.
En canto á emenda presentada polo grupo socialista, a deputada do BNG concordou coa proposta de que se asinen convenios pero non “estamos dacordo en que sexa unha emenda de substitución, son dúas propostas distintas e compatíbeis”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
