Madrid, 17 de decembro de 2014.- O deputado mariñao Jaime de Olano opúxose hoxe á apertura do dique Norte do porto de San Cibrao a operadores distintos de Alcoa por considerar que a devandita proposta non é nin económica, nin socialmente rendible para A Mariña lucense, nin para a Autoridade Portuaria nin para Galicia.
Olano recordou que esta petición non é nova e que precisamente por iso a Autoridade Portuaria de Ferrol-San Cibrao encargou no ano 2008 un estudo do potencial comercial ao obxecto de verificar a viabilidade económica da apertura do dique Norte a outros operadores, unha Autoridade Portuaria entón presidida por un socialista co apoio precisamente do BNG, grupo propoñente hoxe. Pois ben, o resultado do citado estudo concluíu que o potencial de captación era escaso e nin sequera as hipóteses máis optimistas serían suficientes en comparación coa magnitude dos investimentos a realizar para que o dique Norte poida abrirse ao tráfico comercial. E iso, sen contar cos custos de mantemento e explotación, que tamén se elevaría. O estudo apuntaba sen lugar a dúbidas que dende o punto de vista económico-financeiro, no mellor dos casos, a Taxa Interna de Retorno, a denominada TIR, sería do 3,98%, moi por debaixo do albor que garantise unha mínima rendibilidade que se establece no 5,30%.
O PP, polo tanto, opúxose hoxe na Comisión de Fomento do Congreso á iniciativa do BNG para abrir o dique norte e criticou a incoherencia dos nacionalistas galegos que, pola mañá, no Pleno, pediron un trato diferenciado para Alcoa e, pola tarde, defenderon unha proposta que poñería en dificultades á planta de Alcoa na Mariña quebrando as súas expectativas e comprometendo o desenvolvemento industrial desta e, conseguintemente, os postos de traballo directos, indirectos e inducidos creados. “Sinxelamente, non comprendo as súas distintas posturas ao longo do día de hoxe”, resaltou Jaime de Olano.
O deputado popular da Mariña mostrouse sorprendido de que o BNG presentase esta iniciativa ” sen saber sequera cual é a postura de Alcoa ao respecto”. Segundo dixo, “pregúntome se coñece o BNG cal é a postura do concesionario. Teño a impresión de que descoñecen os problemas que a súa petición podería xerar na explotación por Alcoa dos seus peiraos, e estou a pensar nas demoras, atrasos, problemas de aprovisionamento, etc., xa que estes peiraos están moi próximos á súa saturación, movendo máis de 5 millóns de Tn ao ano en dous únicos atraques, polo que é posible que estas interferencias sexan inasumibles para Alcoa”.
Jaime de Olano rexeitou, ademais, algunhas das premisas presentadas polo BNG na súa exposición para pedir a apertura do dique a outros operadores. “Cuantifican o investimento necesario nun total de 15,5 millóns de euros, pero esta refírese unicamente ao investimento na infraestrutura portuaria, obviando outros investimentos que serían necesarios como o investimento en maquinaria, infraestruturas telemáticas ou persoal,”.
Igualmente, o deputado popular criticou que nas contas que formula o BNG tampouco se ten en conta o custo do rescate desa parte da concesión nin os custos de mantemento que agora sufraga Alcoa, pero que de ser rescatada un parte da concesión corresponderían á Autoridade Portuaria, e isto sen entrar a valorar o importante investimento que habería que realizar para adecuar os accesos por estrada a esa zona.
Para Olano, no caso de ser aberto ao tráfico comercial o tránsito de mercadorías que podería captar o dique Norte sería captado na súa inmensa maioría doutros portos da zona, en concreto dos Portos de Ribadeo, Burela e Celeiro (areas, caolín, cuarzo, madeira…). En consecuencia, xeraríanse novos postos de traballo en San Cibrao a base de destruílos noutros puntos da Mariña. “Dita lisa e chairamente, señoría, sería vestir un santo a custa de devestir outros tres, o que sinceramente carece de toda lóxica económica e social”, sentenciou.
Olano afirmou que a apertura ao tráfico comercial dun porto é un tema moi serio que ha de tratarse con todo o rigor posible e pediu ao BNG que se afaste de posturas que poden resultar agradables a certos oídos pero que carecen de argumentos técnicos serios.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
