Lugo, 1 de decembro de 2014.- O Presidente da Deputación de Lugo e secretario xeral do PSdeG, Jose Ramón Gómez Besteiro, segue sen dar resposta a ningunha das preguntas formuladas polo Grupo Provincial Popular sobre a denominada operación Pulpo, que trouxo aparellada a intervención e rexistro xudicial das oficinas da institución durante máis de once horas.
Os populares, a través da súa portavoz, Elena Candia, formularon unha serie de preguntas no pleno extraordinario -forzado a solicitude do PP- despois de que no anterior pleno ordinario Besteiro non permitira a intervención dos grupos da oposición, escudándose no regulamento.
Unha vez máis Besteiro non aclarou ningunha das dúbidas enunciadas polo PP, tal e como puideron comprobar os medios de comunicación presentes na sala, e se limitiou a facer valoracións xenéricas e difusas e a parapetarse nas intervencións dos portavoces da oposición plagadas de descalificacións persoais e ningunha explicación.
A XUSTIZA INVESTIGA GRAVES DELITOS
Candia sinalou que destrás dos rexistros hai unha investigación xudicial moi seria, que pón en evidencia a imaxe da institución e a xestión e a transparencia de Besteiro e lembrou que son obxecto de investigación presuntos delitos de tráfico de influencias, fraude, exaccións ilegais, prevaricación e malversación de caudais públicos, en áreas de competencia directa do Presidente
Os populares insisten en que Besteiro comparece pero non responde, e anuncian que seguirán empregando todos os medios ao seu alcance para que Besteiro dea resposta, entre outras, as seguintes preguntas que, no seu teor literal eran as seguintes:
PREGUNTA 1
• Cando tivo vostede constancia da existencia de problemas no departamento de Protocolo, en concreto, na xestión do programa Km0?
• No momento que tivo constancia destas presuntas irregularidades, ¿Qué actuacións puxo en marcha para que estas se resolveran?
PREGUNTA 2
En relación co sistema de pagos que se empregaba na xestión do Km0:
• E certo que o departamento facía uso habitualmente dunha caixa forte? Ese uso estaba autorizado por vostede?
• Ademais a información que se explicou con toda claridade nos medios de comunicación -e que ninguén desmentiu – falaba do uso de grandes cantidades de diñeiro en metálico. ¿Autorizou vostede a unha persoa da súa confianza para esta retirada que non era nin Secretaría nin Intervención?
• ¿Pode confirmar a cantas persoas ten autorizado vostede, para realizar disposicións de diñeiro en efectivo a cargo da Deputación de Lugo?
• Nun medio de comunicación falábase de que o diñeiro acababa en sobres que lles daban a quen ían de encargados nas excursións. Coñecía vostede isto? E dicir, coñecía vostede o recorrido do diñeiro da caixa forte a sobres?
PREGUNTA 3
En relación cos pagos do Km0:
• Pode confirmarnos que efectivamente había unha correspondencia total e absoluta, matematicamente exacta, entre o facturado e o gasto real efectuado nos establecementos hostaleiros e de ocio desta provincia? Hai unha correspondencia entre o facturado e o pagado?
• Ten constancia da existencia de protestas dalgún establecemento ou particular ante esta institución porque o gasto real non se correspondía coa factura?
PREGUNTA 4
• Houbo manobras xurídicas, entre elas a modificación ad hoc da relación de postos de traballo, para que algún traballador desta casa, cuxo posto de traballo tiña unha característica eventual e de confianza directa do Presidente, teña hoxe unha estabilidade laboral con melloras nas súas condicións?
PREGUNTA 5
No mesmo día do rexistro facíase puntualización de que o mesmo se estendía á Área de Vicepresidencia, a Deportes.
• Está a ser investigada a financiación ao C.B. Breogán?
PSOE E BNG CÓMPLICES DO SILENCIO DE BESTEIRO
Os populares lamentaron tamén o papel desenvolvido por PSOE e BNG cuxos portavoces serviron de cómplices ao silencio de Besteiro pero tampouco aproveitaron a súa quenda para aclarar ningunha das cuestións formuladas.
No caso do PSOE, nunha intervención cargada de descalificacións, o seu portavoz limitouse a falar da operación Z, esquecendo que o obxecto do pleno extraordinario e monográfico eran as irregularidades da Deputación de Lugo –de cuxo Goberno el forma parte-. Os populares lembran que a diferenza do que acontece en Lugo na operación Z, a Xunta é a parte denunciante e non a investigada.
COMISIÓN DE INVESTIGACIÓN
Candia lembrou que en abril do ano 2013, Besteiro rexeitou a creación dunha dunha comisión de investigación solicitada polo PP; que pediron porque naquel intre investigábanse presuntos delitos de acoso e malversación. Hoxe, xa estamos falando de: tráfico de influencias, exencións fiscais, malversación e prevaricación.
Insistiron os populares que Gómez Besteiro está obrigado a dar explicacións, como máxima autoridade do Organismo Provincial. Explicaron que baixo a lente da Xustiza, están os departamentos de Protocolo, Comunicación, Fondos Europeos e Deportes (departamentos que teñen dependencia directa do presidente). Engadiron desde o PP que os socios de Goberno de Besteiro, tamén están na obriga de render contas á cidadanía
Finalmente os populares aclararon que sempre serán respectuosos cos principios de presunción de inocencia; e que o que queren é que a Xustiza faga o seu traballo, pero insistiron en que Besteiro ten que asumir a súa responsabilidade política e aclarar todas as dúbidas que existen sobre a xestión deste programa, o Km0.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
