Ribadeo, 7 de xaneiro de 2015. O Cine Teatro acollerá o vindeiro sábado, 10 de xaneiro, a 4ª Festa do Comercio de Acisa a partir das oito da tarde. A Asociación de Comerciantes, Industriais, Servizos e Autónomos repartiu 100.000 papeletas na presente campaña de Nadal. Eses boletos entrarán no sorteo de 1.500 euros en vales de compra para gastar nos locais asociados ao longo das próximas semanas. A 4ª Festa do Comercio estará amenizada polo grupo ribadense de percusión Calabash.
O presidente de Acisa, Roberto Ramos, sinala que “o acto principal da festa será o sorteo de 1.500 euros en vales de compra para consumir nos establecementos asociados a Acisa”. En xogo poñeranse cinco premios das seguintes contías: 100 euros, 200 euros, 300 euros, 400 euros e 500 euros. Ramos Piñeiro explica que “para amenizar a espera para o inicio do sorteo contaremos coa actuación do grupo ribadense de percusión Calabash. Trátase dun grupo de rapaces que estudaron ou estudan na Escola de Música de Ribadeo, dirixidos por Marcos Rodríguez. Eles ofrecerannos un mini concerto coa variada selección de música que prepararon con temas de grupos tan coñecidos como Coldplay, Queen, Tequila ou Carlos Santana”.
Desde a presidencia de Acisa insisten en recordar que “o sorteo da festa do comercio é presencial, é dicir é necesario estar no interior do Cine Teatro ou nas inmediacións para achegarse ao escenario a recibir os premios. Iremos sacando número a número, esperaremos uns minutos de rigor para que os afortunados reclamen os seus premios e agardamos que aparezan eses cinco agraciados e que poidan gozar deses vales para consumir nos locais asociados a Acisa”.
“En total repartimos 100.000 papeletas. E iso fará que moita xente déase cita en Ribadeo o vindeiro sábado. Ata en anos anteriores o Cine Teatro quedouse pequeno e a xente tivo que seguir o sorteo desde a rúa”. Roberto Ramos considera que se trata do colofón e da pechadura da campaña de Nadal. É unha festa do comercio, é unha festa de todos, de clientes, de asociados e do público en xeral, unha homenaxe aos nosos clientes, que ano tras anos fan que o comercio ribadense sexa mellor, co seu consumo constante nos nosos establecementos”.
O presidente de Acisa engade que “o sorteo de 1.500 euros en vales de compra supón un tirón moi importante, porque a todos viríanos ben ese diñeiro para comprar esas cousas que queremos adquirir no período de rebaixas, que ademais será máis diñeiro porque realmente o que se compra son artigos que teñen descontos importantes. Ademais a actuación de Calabash vai estar moi ben e merece a pena escoitalos. Trátase dunha xornada festiva e despois do reparto dos premios eu animaría aos asistentes a gozar da hostalería ribadense e a aproveitar, porque teremos unha boa noite, para degustar unha boa cea, unhas tapas, que tanto se esmeran en servir os nosos locais de hostalería asociados”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
