Lugo, 7 de xaneiro de 2015. O responsable de Cultura e Turismo da Deputación de Lugo, o nacionalista Mario Outeiro, presentou este mércores as cifras de visitantes que recibiron os centros que compoñen a Rede Museística Provincial, de cuxa xestión se encarga o departamento que dirixe Outeiro. Sumadas as persoas que se pasaron polos catro museos, son un total de 101.557 visitantes os que se achegaron a algún dos edificios da Rede Museística.
Mario Outeiro amosouse moi contento con estas cifras, xa que se rexistrou un incremento de visitas en cada un dos catro museos. “Unha vez pechadas as estatísticas do ano 2014, temos que felicitarnos polo aumento considerable de visitantes en todos os museos que compoñen a Rede Museística Provincial: San Paio de Narla, en Friol; Pazo de Tor, en Monforte; Museo do Mar, en San Cibrao; e o Museo Provincial de Lugo. Rexístrase un aumento de case 9.000 persoas [concretamente 8.960], que supón en termos relativos preto dun 10% [9,66%]”, salientou o delegado de Cultura e Turismo.
O deputado nacionalista quixo felicitar tamén á xerente da Rede Museística, Encarna Lago, e ao resto de traballadores que compoñen as plantillas dos diferentes museos. “Quero agradecer o entusiasmo que poñen os traballadores da Rede Museística na atención ao público e en facer dos catro museos os puntos de referencia cultural da nosa provincia”, indicou.
Incrementos de máis do 20% en San Paio de Narla e no Pazo de Tor
Especialmente salientables son as cifras rexistradas no Museo-Fortaleza San Paio de Narla e no Pazo de Tor. No caso friolense, as visitas medraron das 16.170 do ano 2013 ás 20.077 deste pasado 2014, un total de 3.907 persoas máis, o que supón un 24,16% de aumento. Mentres tanto, polo museo monfortino pasaron 1.281 visitantes máis (de 6.320 a 7.601, un 20,26% máis).
Máis pequenos foron os incrementos porcentuais no Museo Provincial e no Museo do Mar, aínda que en ambos tamén son moi positivas as cifras. O museo de San Cibrao foi visitado por 1.624 persoas máis (de 16.342 no 2013 a 17.966 no 2014), un 9,94% máis, mentres que a galería da cidade amurallada contou con 55.198 visitantes, 2.153 máis que no 2013 (53.765 persoas). Isto supón un aumento do 4%.
Entrada gratuíta e horario moi amplo de apertura
Finalmente, Mario Outeiro lembrou que “a entrada a estes catro museos é totalmente gratuíta e teñen un horario moi amplo de apertura ao público”, afirmou.
CIFRAS DESGLOSADAS
Museo Provincial de Lugo
2014: 55.198
2013: 53.765
Incremento: +2.153 (4%)
Museo-Fortaleza San Paio de Narla
2014: 20.077
2013: 16.170
Incremento: +3.907 (24,16%)
Museo Provincial do Mar
2014: 17.966
2013: 16.342
Incremento: +1.624 (9,94%)
Pazo de Tor
2014: 7.601
2013: 6.320
Incremento: +1.281 (20,26%)
Total visitantes ano 2014: 101.557
Total visitantes ano 2013: 92.597
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
