Ribadeo, 14 de xaneiro de 2014. A Oficina Municipal de Rehabilitación do Concello ribadense tramitou en doce anos 225 expedientes para a mellora de inmobles no casco vello da vila e 37 en catro anos en Rinlo. O alcalde, Fernando Suárez Barcia, asegura que tras dous anos de espera polos convenios correspondentes “algo se empeza a mover agora” e dilles aos propietarios das vivendas incluídas nos Aris de Ribadeo e de Rinlo que poden pasar pola Oficina Municipal de Rehabilitación en busca de información a este respecto.
O rexedor sinalou que “parece que algo se empeza a mover nesta seca absoluta de proxectos e de ilusión en materia de rehabilitación que están tendo o Ministerio e a Xunta de Galicia, dado que agora e non sei se despois das críticas expresas, escritos e declaracións mediáticas, que nunca tiveron resposta directa por parte dos responsables nin da Xunta nin do Ministerio, algo se empeza a mover dentro da posibilidade de asinar novos convenios de financiamento para o Plan de Vivenda 2013-2016. Desto xeito se podería seguir rehabilitando e financiando a rehabilitación de vivendas sitas nas áreas de rehabilitación. Aquí en Ribadeo temos dúas: a do casco vello de Ribadeo dende hai máis de doce anos e a do ámbito de Rinlo dende hai uns catro anos”.
A Suárez Barcia parécelle “curioso ver coma este Plan de Vivenda 2013-2016, é agora no 2015 cando parece que se empeza a mover. Polo tanto, afortunadamente e aínda que sexa tarde, mal e arrastro, eu quero dicirlle aos veciños e aos propietarios destes núcleos de rehabilitación tanto en Ribadeo, en maior medida pola súa dimensión, coma en Rinlo, en menor medida pola súa dimensión tamén, que se queren ter máis información e están interesados en rehabilitar as súas vivendas, poden pasarse pola Oficina de Rehabilitación do Concello para ter máis información ao respecto. Queremos darlles toda a información posible da que dispoñemos a día de hoxe, que é a pouca que nos pasan dende a Xunta de Galicia e dende o Ministerio”.
O alcalde ribadense subliñou que “a día de hoxe Ribadeo leva xestionados máis de 225 expedientes de rehabilitación nestes últimos doce anos e outros 37 en Rinlo nos últimos catro anos. Coidamos e esperamos que agora, nos próximos días, haxa máis peticións para levar a cabo rehabilitacións, porque si ben é certo que somos modélicos na rehabilitación do casco vello, fundamentalmente en Ribadeo, tamén é certo que moitas veces lles esiximos aos propietarios que amañen as súas vivendas, pero logo tampouco éramos capaces, por incompetencia da Xunta e do Ministerio, de ofrecerlles as subvencións que sempre tiveron, noutros anos anteriores e a través de varios gobernos de diferente cor política, dende hai máis de doce anos e ata os últimos dous anos nos que non se moveu unha folla”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
