Lugo 16 de xaneiro de 2015.- O presidente do PP de Lugo, José Manuel Barreiro, puxo en valor as políticas populares e con elas as medidas adoptadas polo Goberno de Mariano Rajoy e instou aos representantes políticos do seu partido a mobilizarse e explicar á cidadanía a súa eficacia e repercusión no conxunto da sociedade española.
Na celebración do comité executivo, Barreiro fixo un paralelismo entre a situación dramática á que chegou o PP no ano 2011 e os obxectivos logrados na actualidade. Asemade, ve nas medidas de Rajoy os factores clave na recuperación económica e salientou que “a día de hoxe España está medrando; o obxectivo do Goberno era que o país superase a recesión económica e lográmolo. Pasamos de destruír a xerar emprego”- lembrou.
Sen ánimo de ser triunfalista e facendo un balance destas políticas populares, Barreiro manifestou que foron as medidas de Rajoy as que lograron non só cumprir, senón duplicar o obxectivo do crecemento.
“España cerrou 2014 en torno ao 1.3 – 1.4, o que supón o dobre do obxectivo do Goberno”- manifestou o popular, quen lembrou que, cando o Executivo definiu o cadro macroeconómico dos orzamentos de 2014, marcou un 0.7.
Seguindo en termos económicos, Barreiro dixo que está previsto que en 2015 “creceremos nun 2%” e con respecto a afiliación na Seguridade Social afirmou que se ten previsto pechar este ano con máis de 600 mil novos afiliados”.
CHAMADA Á MOBILIZACIÓN
O presidente provincial instou a tódolos presentes no Comité Executivo a explicar a tódolos veciños e veciñas as eficaces políticas acometidas polo Goberno central.
Insistiu en que as medidas adoptadas por Mariano Rajoy, xunto co esforzo dos cidadáns, demostran a súa eficacia e a día de hoxe están dando os seus froitos, algo que “temos que explicar a cidadanía”.
Insiste en que os mecanismos e as reformas do PP, contribuíron de xeito eficaz á salvación de España: “España evitou ser rescatada, blindamos as pensións mentres outros as conxelaron e pasamos de destruír a xerar emprego”.
Neste senso o popular apelou á mobilización e afirmou que o PP aspira a gañar amplamente as eleccións de maio para gobernar con gran maioría no Concello de Lugo (lembrou que a da Muralla foi a que obtivo o mellor resultado das sete grandes cidades galegas) así coma, nos demáis municipios da provincia, e tamén na Deputación, para cambiar dunha vez por todas a forma de Goberno do Señor Besteiro, quen a utiliza en beneficio propio e non para satisfacer as necesidades dos Concellos e dos lucenses.
Concluíu Barreiro manifestando que rematará a lexislatura moito mellor do que empezou e salientando que os mecanismos e as reformas postas en marcha polo PP lograron a volta á senda do crecemento e a través deste estase xerando emprego.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
Tras unha parada nas Pontes para contemplar o lago e lembrar o pasado industrial da zona, o grupo visitou Pontedeume, onde repasou a historia da liñaxe dos Andrade e percorreu unha vila chea de patrimonio e vitalidade. Pola tarde, no mosteiro de Sobrado dos Monxes, os participantes apreciaron o legado da orde do Císter e do barroco galego, e escoitaron parte dunha mostra de música coral. A entidade agradeceu as explicacións de Enrique Campos, secretario da ACFL, así como as achegas de Celia Castro sobre arquitectura medieval e a vida cisterciense.
A conselleira do Medio Rural acompañada polo director de Turismo de Galicia, Xosé Merelles, asistiu este sábado á feira e festas das San Lucas.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
