Non mudaron as posicións na cabeza da clasificación da Liga Sénior tras a tirada de Lago do campionato de Bolos de Xove. Os dous líderes puntuaron, recortándolle Rafael dous puntos a Arturo. Ambos manteñen unha cómoda vantaxe sobre os seus inmediatos perseguidores, 28 puntos Arturo e 22 Rafa sobre Jose Vigo, quen alcanza esta posición de podio grazas á súa vitoria e mellor bolada na tirada. De todas formas a clasificación sigue moi apretada; se para as dúas primeiras posicións Arturo e Rafa teñen moitas papeletas, para o terceiro posto hai un nutrido grupo de xogadores entorno aos cincuenta puntos: José Vigo, Sócrates Campo, Francisco Pérez, José Manuel Cociña, Álex Meitín (o vixente campión) e Moisés Rodríguez. Polo tanto, aínda queda moita emoción nas sete tiradas que quedan para rematar. Non descartamos tampouco que algún dos perseguidores consiga alcanzar aos líderes. Aínda queda terreo suficiente para recuperar.
Liga Senior Feminina
Grazas á súa segunda vitoria consecutiva (máis bolada), Belén Meitín consigue acadar unha pequena distancia sobre as súas rivais, 5 sobre Carmen Roca e 6 sobre Salomé; a falla de 7 tiradas, esta vantaxe é, a todas luces, totalmente insuficiente. Das tres ligas, esta é a que promete un final máis emocionante e apretado, xa que calquer das tres primeiras clasificadas pode gañar.
Liga Sub 16
Unha semana máis sigue a tiranía de Daniel Alonso, que amplía a súa vantaxe sobre Miguel López, que agora é de 23 puntos, prácticamente insalvable. A sorpresa nesta tirada deuna a xove Julia López, quen foi capaz de sorprender aos dous líderes, impoñéndose nesta proba, o cal tamén lle permite acceder á terceira posición.
Durante toda a temporada estamos a facer un seguimento de Julia, que é irmá de Miguel, e cada vez sorpréndenos máis. Trátase dunha xogadora moi nova, pero que ten moito nervio e unha gran personalidade, e non se arredra nin lle trema o pulso nos momentos culminantes, ou sexa, non se lle encolle a man cando hai puntos importantes por xogar.
A vindeira tirada, TERCEIRA DA 2ª FASE, vaise celebrar CAMPO DO CENTRO SOCIAL DE MONTE, O VINDEIRO SÁBADO, 17 DE XANEIRO DE 2015.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
