O Burela FS Pescados Rubén estrea 2015 en Vista Alegre co último derbi galego da primeira volta e a falta de tres citas para chegar ao ecuador ligueiro. Poio Pescamar, sexto clasificado (21 puntos) será o rival das laranxas, que non xogan no feudo mariñano desde finais de novembro. A cita comezará ás 16.00 horas.
Despois do parón do Mundial de Costa Rica e as festas navideñas, co desprazamento a Majadahonda (4-4) no medio, o principal obxectivo das pupilas de Quico Otero, que custodian a terceira praza do podio (28 puntos), é recobrar o ritmo: “O máis importante é volver coller rápido o noso nivel e un equipo forte como Poio é o mellor aliciente” adiantaba o técnico burelista facendo fincapé nas virtudes das pontevedresas: “É un rival de gran solidez defensiva. Deberemos ter moita paciencia en ataque porque calquera erro pode propiciar unha contra perigosa. Ademais, cando non teñamos a posesión, debemos exercer unha boa presión para que non xoguen con facilidade ao pívot” explicaba así Quico Otero as claves para sacar un resultado positivo este sábado.
Á baixa de Bea Mateos, que se recupera da súa esguince de xeonllo, súmase a ausencia de Paula, que sufriu un esguince de nocello na clasificación con Galicia Sub 21 na primeira fase do Campionato de España de Seleccións Territoriais o fin de semana pasado en Ourense (Galicia 8-0 Madrid, Aragón 1-8 Galicia). Tampouco estará Maite, sancionada cun partido de suspensión por protestar na última cita de 2014, en Majadahonda.
Convocatoria Burela Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 13. Patri, 18. Shiori, 20. Tainã. Baixas: Bea Mateos e Paula, por lesión, Maite, por sanción.
Copa Galicia
O Burela FS Pescados Rubén xogará a segunda eliminatoria da Copa Galicia o vindeiro mércores, 14 de xaneiro, na pista do Cidade As Burgas, segundo clasificado en liga (Os Remedios, 20.30 horas)
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
