Bruxelas, 21 Xaneiro 2015.- Entre este mércores e este xoves está a ter lugar a xuntanza da Comisión de Agricultura do Parlamento Europeo, onde a eurodeputada de Alternativa Galega de Esquerda en Europa (AGEe) Lídia Senra participa como coordenadora do Grupo da Esquerda Europea-Esquerda Verde Nórdica (GUE-NGL) -no que está integrada AGEe- para dita comisión.
Entre os temas a debater durante a mañá destacaron o réxime de axudas para a distribución de froitas, hortalizas, plátanos e leite nos centros escolares e a nova estratexia forestal para a Unión Europea (UE).
No que respecta ao primeiro punto, Senra amosou a súa total conformidade ca proposta plantexada no documento ao respeito de priorizar nas escolas o consumo de alimentos frescos, mais demandou que se introduza no programa un apartado “para promover tamén a agricultura ecolóxica local dentro das escolas”.
Ademais, en relación ás premisas que deben rexer o abastecemento aos centros educativos solicitou que se “facilite” a compra dos produtos “a agricultoras/es locais que realizan venda directa”, resultando especialmente pertinentes estas dinámicas comerciais naquelas escolas ubicadas no medio rural.
Con respecto ao subministro de lácteos ao alumnado, Lídia Senra remarcou a necesidade de atopar “o xeito de que as nenas e nenos intolerantes á lactosa non queden discriminadas no momento de reparto de lácteos nas escolas.”
Asemade, no referido ás medidas educativas recollidas no informe co obxectivo de promocionar o consumo de alimentos saudábeis entre as cativas/os, a eurodeputada galega transmitiu o seu desexo de que estas teñan un contido “local, medioambiental e de sustentabilidade”.
Montes Veciñais en Man Común
Con respecto á nova estratexia forestal para a UE, a eurodeputada de AGEe encetou a súa intervención poñendo en valor o plantexamento en base a criterios de sustentabilidade e multifuncionalidade dos montes recollido no documento presentado hoxe a debate pola Comisión de Agricultura da Eurocámara.
En relación ao punto 3 da proposta (Páx.4) , que recolle o “recoñecemento da importancia da propiedade e dos dereitos da propiedade apoiando todas as medidas que faciliten a participación”, Senra expuxo diante da Comisión de Agricultura a existencia da figura dos montes comunais en man común na Galiza e dos baldíos no norte de Portugal, solicitando que esta fórmula “quede salvagardada en calquera actuación que fagamos sobre política forestal dende a UE”.
Instou tamén á Comisión a “evitar os cultivos intensivos forestais” xa que, denunciou, “estamos a sufrir nestes momentos unha contaminación moi forte de pesticidas, por exemplo a través de fumigacións forestais”, reiterando que “a auga e o aire teñen que ser preservados e non se poden permitir este tipo de actuacións.”
Por último, Senra lembrou á cámara que no tocante ao aproveitamento económico dos montes, “non hai unicamente un aproveitamento forestal, senón que hai tamén outros aproveitamentos interesantes dos montes”, en alusión á introdución de animais, froitos silvestres, produción de cogomelos, etc.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
