Foz, 17 de xaneiro de 2015.- A responsable local do BNG en Foz, Lorena Seivane, denunciou o estado lamentable no que se atopan varios tramos da estrada N-642 ao seu paso polo municipio. “Existen tramos realmente intransitables como en Mañente, a Corredoira ou Fazouro. Na subida de Mañente tanto en dirección Barreiros como en dirección Foz a estrada está chea de gretas anchas e totalmente desfeita”.
Segundo Lorena isto é un perigo para a circulación de vehículos porque os condutores intentan esquivar as fochancas e desvíanse do carril natural. Ademais, os coches poden rebentar unha roda ou sufrir un golpe ao haber cantidade de grava solta na estrada. A maiores do mal estado do firme, estas zonas están mal iluminadas « co que de noite os condutores teñen que guiarse case por instinto, mesmo ao paso de curvas pechadas ».
Desde o BNG xa enviaron numerosos escritos e mocións aprobadas en Pleno estes últimos anos á Demarcación de Estradas do Estado esixindo a reparación inmediata dos tramos referidos sen ter ningunha resposta.
Agora parece que ao ser ano electoral van a realizar unha inversión nesta estrada o que desde o BNG vemos como un insulto á intelixencia dos mariñáns. “¿Quen reparará todos estes anos nos que se sufriu o estado lamentable desta estrada? ¿Quen reparará os múltiples danos producidos incluso con algún accidente mortal?”.
En palabras de Lorena, “desde logo que os gobernos do PP e do PSOE non poden abrir a boca neste sentido porque son responsables de que unha estrada de ámbito estatal coma esta sexa máis un camiño de carros que outra cousa. ¿Onde estiveron os representantes deses partidos da provincia e da comarca cando estiveron ao fronte do goberno do Estado?”.
Desde o BNG de Foz so esperamos que estes días se reparen rapidamente -aínda que sexa de forma provisional- as numerosas deficiencias da estrada N-642 ao seu paso por Foz á espera da solución definitiva desta estrada que pasa por un cambio total no seu firme, pintado e iluminación.
Lorena Seivane García
Responsable Local do BNG.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
