Foz, 23 de xaneiro de 2015.- O BNG de Foz proporá ao pleno da corporación municipal unha moción para resolver os problemas de tráfico e a ordenación do mesmo nas vías urbanas do Concello tanto no que respecta a persoas como a vehículos.
O BNG de Foz, á falta dunha ordenanza específica que regule os aspectos relacionados coa mesma dentro do municipio, ve necesario tomar medidas urxentes que corrixan e melloren no noso Concello unha serie de deficiencias que se arrastran desde hai tempo en canto ao tráfico viario.
Entre estas medidas a corrixir podemos citar algunhas como:
– Repoñer e/ou amañar as sinais de tráfico e informativas pois sen unha boa sinalización é imposible circular con seguridade.
– Revisar e controlar os vados do Concello. Poñer pracas homologadas con nº de licenza troquelada e escudo municipal. Establecer unha ordenanza reguladora dos mesmos e ter un rexistro de vados autorizados. E por suposto poñer ao día os vados que non paguen porque non so están ocupando unha praza de aparcamento senón que están evadindo un imposto municipal que é obrigatorio.
– Revisar e adecentar os aparcamentos públicos, especialmente os cedidos por particulares (vallas estéticas con sinalización correcta).
– Eliminar aparcamentos ao lado de cruces perigosos. Vixiar máis estes puntos negros da circulación sancionando ás persoas que incumpran as prohibicións.
– Asfaltar de novo os tramos das vías públicas principais máis danadas.
– Eliminar as barreiras arquitectónicas que existan e amañar as beirarrúas que non están en condicións ou que teñen furados por falta de baldosas porque provocaron xa numerosos accidentes de persoas que caeron.
Por todo isto, o BNG de Foz insta ao alcalde e ao Grupo de Goberno a elaborar un PLAN DE TRÁFICO para corrixir, mellorar e regular o tráfico de vehículos e persoas no Concello de Foz.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
