A Deputación de Lugo aprobou o Plan Estratéxico de Subvencións (PES) para o ano 2015, dotado de 11.326.265 de euros, destinados fundamentalmente a emprego, infraestruturas e políticas sociais, as tres prioridades de actuación que marcaron os máis de 55.000 veciños que tomaron parte na elaboración dos Orzamentos Participativos, os primeiros dun organismo provincial en España.
O plan foi aprobado, cos votos a favor do PSdeG e o BNG, e a abstención do PP, no último Pleno provincial do ano, co que entrará en vigor neste mes de xaneiro, o que cumpre tamén cunha das peticións manifestadas por moitos veciños nas xuntanzas participativas, sobre todo polos representantes de asociacións e entidades sen ánimo de lucro, pois deste xeito poden ter dende primeiros de ano unha previsión dos fondos cos que contarán para desenvolver as súas actividades.
A Deputación de Lugo achegará 4 millóns de euros para emprego a través do PES, ao que lle hai que engadir, entre outras, a partida de 6 millóns contemplada nos Orzamentos para unha segunda edición do plan Ben Empregado!
No Plan Estratéxico de Subvencións destínanse fondos para potenciar os principais sectores da provincia -gandería, agricultura, agroecoloxía, pesca e artesanía, así como o empresarial-que suman máis de 3,6 millóns de euros. Dento desta partida, inclúense as axudas a confrarías de pesadores da provincia, plans e actividades de fomento do tecido empresarial, así como colaboracións con ACRUGA ou a Feira do Gando de Pedrafita, a Festa do Emigrante de Pol, a Feira de Artesanía, Mobles e Antigüidades de A Pontenova ou o Expogrelo de Abadín.
A institución provincial fomenta tamén o emprego e a formación, achegando en axudas preto de 293.000 euros. Neste bloque inclúense as colaboracións cos Máster en Prevencións de Riscos Laborais, o de Dirección de Recursos Humanos, ou as colaboracións coa Universidade de Santiago de Compostela, para grupos de investigación.
Por outra banda, dos 11 millóns de euros, 3 millóns son para infraestruturas. Para a creación de novas dotacións públicas municipais, como por exemplo instalacións deportivas, culturais, patrimoniais, ou novos equipamentos para a promoción turística, aforrando cartos aos Concellos da provincia.
Finalmente, para políticas sociais destínanse preto de 4 millóns de euros. Neste área, inclúense axudas a colectivos que participaron na elaboración do orzamento para o 2015, como por exemplo Alzheimer Chantada, Aspnais, Raiolas ou Cogami A Mariña; servizos de dependencia, así como igualdade e inserción de sectores en risco de exclusión social.
Orzamentos Participativos 2015
O Plan Estratéxico de Subvencións forma parte do Orzamento provincial do 2015, que se mantén nos 89,4 millóns de euros do 2014 e aséntase sobre tres piares: emprego, infraestruturas e políticas sociais porque así o decidiron os máis de 55.000 veciños que deron a súa opinión.
A Deputación destina 6,6 millóns a emprego, 370 veces máis que cando gobernaba o Partido Popular, o que contrasta tamén o peso que lle da a estas políticas o Goberno central e o da Xunta.
As partidas para infraestruturas suman 11,5 millóns de euros, na que se inclúen: o Plan de Obras e Servizos; un Plan de Infraestruturas Veciñais; o Plan de Conservación dos 4.200 quilómetros de estradas provinciais; e o Programa Estratéxico de Infraestruturas do Medio Rural (PEIM).
O orzamento de Benestar Social increméntase o vindeiro ano un 30%, pasando de 3,4 millóns de euros do 2014 a 4,5 millóns. Dentro das partidas destinadas a Benestar Social destaca a dirixida a Prestación de servizos a persoas dependentes e asistencia social, que alcanza practicamente os 3 millóns de euros, destinados a manter servizos como o de Axuda no Fogar e Teleasistencia, así a construción e posta en marcha de 6 residencias de maiores en toda a provincia: Ribadeo, Castroverde, Trabada, Fonsagrada, Pedrafita e Pol.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
