Fai un tempo que vexo ao candidato do PP de Viveiro, certamente inquedo, nervioso. Supoño que será pola proximidade das Eleccións Municipais. En condicións normais, recomendaríalle que tomase unha tila, pero neste caso, vendo o nerviosismo incipiente, e para calmalo un pouco, voulle pedir que faga tres chamadas, iso sí, a cobro revertido, para que non gaste, e o seu peto se atope relaxado.
A primeira chamada, sería á sede do PP en Madrid, rúa Génova. Nesta conferencia, recoméndolle que pida asesoramento sobre a expresión “pensa o ladrón que todos son da súa condición”, que fai uns días me dedicou, alí seguramente non falen de forma metafórica, e lle poidan indicar con claridade, que pensan os verdadeiros ladróns. Así mesmo, e falando de pactos (igual xa non se lembra e son eu o que está fora da realidade), pregunte tamén nesa chamada á rúa Génovapolo pacto PP-PSOE para reformar o art. 135 da súa venerada Constitución, con nocturnidade e alevosía, para santificar a débeda e beneficiar aos bancos deixando tiradas ás persoas. Cando lles interesa, vaia se se poñendacordo. Cando hai que parchear cunha man de chapa e pintura o muelle vello, tamén se poñen dacordo.
A segunda chamada, sería á sede da Xunta de Galicia en Compostela, pregúntelle ao Sr. Feijoo e aos seus Conselleiros, por varias cuestións de interese para o Concello. Pode comezar por preguntar onde está o PXOM de Viveiro paralizado por Patrimonio. Debería continuar indagando onde está o corredor ao seu paso por Viveiro e se teñen pensalo levalo adiante neste século. Tamén podes consultar cando Portos ten pensado facer un proxecto integral para o muelle vello, extinguir as concesións e demoler os galpóns, levantar as casetas do Porto Deportivo, ou reparar a zona da Praia de Celeiro. Así mesmo, pode preguntar, pola financiación da Xunta aos Servizos Sociais municipais, ao Conservatorio de Música, á UNED, etc. En definitiva, se se lembran onde está Viveiro.
A terceira chamada, sería ao verdadeiro xefe do PP de Viveiro, esta é máis cara, porque está máis lonxe, en Bulgaria. Pregúntelle, porque días despois de saír nós do goberno, nos ofreceron vostedes levar adiante unha moción de censura e un goberno conxunto para quitarlle o poder ao partido socialista(si, un bipartito, si!!). Algo estariamos facendo ben no goberno para que vostedes chegaran a semellante ofrecemento. Neste caso non lles importaba pactar con calquera, incluso co nós, co BNG. Pregúntelle, porque seguramente a vostede non o informaron destas cuestións.
Mire Sr. Bouza, as difamacións, mentiras e odios, non teñen cabida na miña forma de entender a política e a vida en xeral. Se nós quixeramos un pedazo da poltrona, ficariamos calados no ano de goberno conxunto co PSOE, en lugar de denunciar desde dentro, que a súa política económica nos levaba ao desastre, como así está sendo. Os socialistas retiráronnos as competencias, porque traballabamos máis e mellor que eles, con ilusión e ganas de cambiar Viveiro, e iso a eles en lugar de consideralo unha mellora para as veciñas e veciños, non o puideron soportar. Se tantas ansias de poder tiveramos, aceptariamos naquel momento a súa proposta de moción de censura, para voltar ao goberno.
Hai xente, sr. Bouza, que estamos en política, con vocación de servizo público, entendo que a vostedes, señores do PP, isto non lles entre na cabeza.
Bernardo Fraga
Portavoz Municipal do BNG de Viveiro
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
