Barreiros, 28 de xaneiro 2015.- O Bloque Nacionalista Galego de Barreiros pon o edificio construído polo tenente alcalde, José Manuel Gómez Puente, na zona da praia como “exemplo claro” da “política urbanística á carta” levada a cabo polo Partido Popular nos últimos anos no Concello de Barreiros, “destinada a beneficiar intereses particulares de persoas vinculadas ao Partido Popular”.
O concelleiro nacionalista Antonio Veiga afirma que esta construción, que está sendo investigada polo Servizo de Protección da Natureza da Garda Civil, demostra que a política urbanística en Barreiros desde que é alcalde Alfonso Fuente Parga “non foi pensada para beneficiar ás veciñas e veciños de Barreiros nin os intereses xerais do Concello, senón que foi feita unicamente para beneficiar a persoas vinculadas ao Partido Popular, algunhas, coma neste caso, membros do propio Goberno municipal”.
Antonio Veiga acusa tamén ao alcalde de “mirar para outro lado e facer a vista gorda, sabendo que o edificio que o tenente alcalde construíu en Remior frente ao Acantilado non se axusta ao tipo de solo nin ao uso permitido nesa zona no momento en que se concedeu a licenza”. O concelleiro nacionalista considera “grave” que o alcalde anunciara onte no Pleno que o Concello vai “legalizar” esa construción, o que significa, afirma Antonio Veiga, “que neste momento o edificio é ilegal e este verán estivo sendo ocupado sen nin sequera ter licenza de primeira ocupación”. Veiga critica tamén que se vaia facer unha “legalización ad hoc” para beneficiar ao tenente alcalde, o que significa que se pretence “legalizar unha ilegalidade”.
“Intereses persoais e ruína económica para o Concello”
Antonio Veiga afirma que “as consecuencias desta desastrosa política urbanística levada a cabo polo Partido Popular no Concello de Barreiros nos últimos anos están aí: unha absoluta ruína económica para o propio Concello, un dos máis endebedados de toda Galiza”. O Bloque lembra que Barreiros debe máis de 5 millóns de euros, “unha débeda que imos ter que pagar todos os veciños e veciñas de Barreiros durante os próximos anos”.
“Non é un veciño calquera”.
O concelleiro do Bloque afirma contundente que “todo o mundo ten que respectar a lei, máis aínda cando se trata dunha persoa que ten que dar exemplo”, di. “José Manuel Gómez Puente non é un veciño calquera, porque é tenente alcalde co Concello de Barreiros e, como tal, concede licenzas, así que é o primeiro que ten que cumprir a lei”, reclámalle.
O BNG reclama máxima transparencia
O Bloque Nacionalista Galego esixe ao alcalde “máxima transparencia” sobre este asunto. “Pedimos máxima transparencia, porque é un feito grave, e agardamos que se nos entregue toda a documentación que onte solicitamos no Pleno sobre este asunto coa máxima celeridade, porque son documentos públicos que obran en poder do Concello”, reclama. “Se non hai nada que ocultar, se o alcalde e o tenente alcalde non teñen nada que ocultar, deberían ser os primeiros en facer públicos todos eses documentos, para coñecemento e tranquilidade de todos os veciños e veciñas de Barreiros”, conclúe Antonio Veiga.
Estes recitais, protagonizados por músicos da contorna, nunca defraudan. Sen grandes nomes internacionais, pero cunha sensibilidade musical exquisita, ofrecen sempre unha experiencia artística de gran calidade. Por iso, quen asista gozará dunha nova xornada dentro do Programa Adral, que a Xunta de Cofradías promove con tanto entusiasmo.
O Concello destaca a oportunidade que supón para impulsar a hostalaría local e felicita ás persoas galardoadas pola súa contribución á gastronomía asturiana.
Este texto é o froito de varios anos de investigación e convida profesionais da educación, terapeutas e persoas curiosas a descubrir como o traballo coa arxila libera traumas e favorece unha transformación persoal profunda. Ao remate do acto servirase un viño e un pequeno petisco.
A continuación, as persoas que desexen continuar a conversa e compartir un tempo de convivencia poderán anotarse á comida que se celebrará na Casa da Penela.
Pasados dez minutos das 15 horas deste martes, un particular alertou ao 112 Galicia dun coche envorcado fóra da vía en San Martiño de Ferreiros, Pol. Aconteceu no quilómetro 3 da LU-750, e a única persoa implicada permanecía atrapada no interior. De inmediato, desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada. Os bombeiros actuaron para liberar á persoa, que foi evacuada en ambulancia polos profesionais sanitarios desprazados ata o lugar.
Unha comedia orientada para público infantil escrita e dirixida por Bea Campos. Hora: 18h.
O investigador achegarase a Ribadeo para falar sobre Urraca, considerada por moitos a emperatriz de todos os galegos e galegas. A entidade xa coñece o bo facer de Picallo, pois en anteriores ocasións participou como ilustrador nas presentacións das novelas Ao sur da liberdade e Entre a vontade e o destino, de Xosé Henrique Costas, deixando unha excelente impresión. Nesta ocasión, o público poderá escoitar ao Picallo historiador, que achegará novos datos sobre o reino de Galiza, unha realidade histórica que durante anos permaneceu agochada e que hoxe se recupera grazas a publicacións e investigacións como a súa.
