Ribadeo, 23 de febreiro de 2015. O salón de plenos do Concello acolleu o sábado pola noite a entrega de premios aos gañadores dos concursos realizados nas redes sociais pola comisión organizadora do Entroido de Ribadeo 2015, unha das novidades desta edición.
Establecéronse varias categorías: o mellor disfrace individual, Emma Tigretón, que levou un vale de compra por valor de 50 euros na tenda ribadense Hola Ola!. O mellor disfrace en parella, Vamos de birras?, foi obsequiado cun bono gastronómico/menú degustación para dúas persoas no Hotel Restaurante O Voar, agasallo doado por Café Bar O Cantón e Hotel Restaurante O Voar. O mellor disfrace en grupo, We can do it, foi premiado cunha cesta de produtos de Entroido doada pola Praza de Abastos de Ribadeo. Tamén recibiron agasallos da man da comisión o mellor local ribadense caracterizado, Bar Cortello, que levou unha placa conmemorativa, e o mellor profesional ou camareir@ caracterizad@, Os apaches chegaron A Villa Hotel Restaurante, que levou unha medalla conmemorativa de recoñecemento. O premio para @s máis larpeir@s, aquel grupo que acudiu disfrazado o luns, 16 de febreiro, a saborear un cocido nun dos establecementos hostaleiros participantes, e colgou as súas fotos no facebook foi para Peña Os Vinagres. Os gañadores recibiron unha cesta de produtos de Entroido, xentileza de Gadis e 75 euros en metálico, agasallo do Grupo Pasillo.
Despois da entrega de premios tivo lugar a Queima do Entroido nun solar situado na avenida Rosalía de Castro. O protagonista do meco deste ano foi o famoso Pequeño Nicolás, que tivo así os seus minutos de protagonismo na festa deste 2015.
A comisión organizadora do Entroido de Ribadeo amósase satisfeita coa acollida que tiveron as actividades programadas para este ano, “tanto das xa tradicionais como as que foron unha novidade: a gala-pregón e os concursos nas redes sociais”. E agradecen “ao Concello, a todos os establecementos e firmas colaboradoras a súa axuda, a todas as persoas que participaron no desfile e ao moito público que se congregou nas rúas de Ribadeo, a pesar do frío que fixo o 17 de xaneiro”.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
