Ribadeo, 10 de febreiro de 2015. A comisión organizadora do Entroido de Ribadeo última os preparativos para a celebración dos actos festivos que se desenvolverán ao longo dos vindeiros días na vila. O sábado terá lugar a primeira gala de Entroido, Que non cha conten!, coa lectura do pregón a cargo de Piti Alonso, acompañado de Coté Ventura, Inés Nécega e membros da Escola Municipal de Música de Ribadeo. Será a partir das 21 horas no Cine Teatro.
O presidente da comisión ribadense do Entroido, David Martínez, explicou que “xa queda pouco para o Entroido de Ribadeo, así que esperamos que toda a xente teña xa preparados os seus disfraces e veña a gozar desta festa connosco. Recordamos que o sábado temos unha preciosa gala de Entroido cun montón de sorpresas e moito humor. Esperamos que veña todo o mundo e goce dela. Será a partir das 21.00 horas, con entrada gratuíta, pero abriremos as portas ás 20:00 horas para que a xente vaia vindo pouco a pouco e non teña que quedarse sen sitio”.
A gala deste sábado comezará coa saída da carroza do Entroido ás 20.00 horas do Parque San Francisco. Esta carroza irá acompañado pola comparsa da peña Os Vinagres ata a súa chegada ao Cine Teatro de Ribadeo. Alí será recibida polas charangas locais Aturuxo e A Choca, que animaran a rúa ata o inicio do evento. Posteriormente, e xa no interior do Cine Teatro levarase a cabo a lectura do pregón por parte do empresario da comunicación Piti Alonso, que estará acompañado por Coté Ventura e Inés Nécega. Na gala, que estará chea de humor e sorpresas como adianta a organización, actuarán tamén membros da Escola Municipal de Música de Ribadeo.
O 15 de febreiro celebrarase o xa tradicional Domingo Lardeiro coa saída da Comparsa do Cocho ás 11 da mañá polas rúas da vila. Ese mesmo día pola tarde terá lugar o baile infantil a partir das 17:00 horas na sala de festas Rosa Lar. O Luns Fareleiro será o día dedicado á hostalería coa celebración do concurso Os m@is larpeiros: durante todo o día @s máis larpeir@s poderán degustar o cocido do Entroido nos restaurantes adheridos, e participar nese concurso que se desenvolverá no facebook oficial do Entroido de Ribadeo.
Do 12 ao 18 de febreiro estará en marcha un concurso para elixir aos mellores disfraces que percorran as rúas e os establecementos de Ribadeo. Haberá premios en diferentes categorías: mellor disfraz individual, en parella, de grupo e mellor local e profesional/camareir@ caracterizad@. E o luns, 16, haberá unha nova APP para participar na categoría d@s máis larpeir@s. Esta só estará vixente do 16 ao 18 de febreiro e nas fotos deben aparecer os participantes, sos ou en compañía, comendo o cocido e celebrando o Entroido nun dos restaurantes adheridos. Desde a organizan piden que “ninguén se esqueza de facer as súas fotos durante estas festas e subilas a esa páxina porque hai moitos premios en xogo”.
O martes, 17 de febreiro, terá lugar o gran desfile de Entroido a partir das 17:00 horas con premios individuais e para parellas, grupos carrozas, contracharangas e charangas. O desfile partirá da Estación de Autobuses e percorrerá as rúas Rosalía de Castro, San Roque, Virxe do Camiño, Avenida de Galicia, J. V. Pérez Martínez, Avenida de Asturias, Clemente Pasarón e Dionisio Gamallo Fierros, desembocando no Concello. Os participantes deberán inscribirse entre as 15:00 e as 16:30 horas na mesa que estará instalada na Estación de Autobuses e terán que situarse no posto asignado 15 minutos antes do comezo do desfile.
O programa do Entroido de Ribadeo rematará o 21 de febreiro coa tradicional Queima do Entroido.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
