Cervo, 20 de febreiro de 2015- O campo de fútbol municipal da Veiga abrirá de novo as súas portas este domingo despois das obras de remodelación que promoveu e financiou o Concello de Cervo. Unha instalación que entrará en funcionamento “con fútbol de base”, asegura o alcalde de Cervo, Alfonso Villares, que explica que os primeiros en competir nel serán os xuvenís do CD San Ciprián, nun partido de portas abertas.
Un encontro que, por ese motivo, será simbólico xa que “marcará o comezo dunha nova etapa deportiva no noso concello, cunha instalación que mellorará a forma de adestrar e xogar”, asegura o rexedor. Así, o Concello decidiu convidar a este primeiro partido (11:00 h.) ás xuntas directivas dos catro equipos de fútbol do municipio así como aos equipos de todas as categorías de fútbol base para que formen parte deste evento.
“Fomentar o fútbol de base é o principal obxectivo que pretendemos conseguir coa reforma do campo municipal, que os nenos e nenas, dende pequenos, poidan xogar nun campo de alta calidade que os acompañe na súa práctica e evolución deportiva” explica o rexedor. “Para nós é moi importante que os nenos do noso concello poidan xogar nos equipos locais e non teñan que saír do municipio para adestrar e competir”, engade o rexedor, que matiza que este é un obxectivo “compartido cos clubs do municipio”.
Ademais, ese mesmo día pola tarde tamén estrearán o novo campo os xogadores da categoría superior do CD San Ciprián (16:15 h.), un encontro que tamén será aberto a todos os veciños e ao que foron convidados os representantes das asociacións do municipio, culturais, deportivas ou veciñais para que sexan partícipes “da apertura deste campo, que é de todos”.
Características
A remodelación e modernización do campo municipal da Veiga levouse a cabo cos mellores materiais e de última xeración, sendo o único de Galicia destas características, o cal mellorará o adestramento e o xogo e permitirá un uso intensivo durante todo o ano, e tamén de noite. De feito, a iluminación é de alta potencia pero coidando o consumo eléctrico, xa que se trata de luminarias eficientes, ao igual que toda a instalación, que permite aforrar gastos de mantemento.
O novo campo de fútbol tivo un custo de 380.000 euros financiados polo Concello. Unha obra na que o goberno local contou co apoio dos clubs de fútbol e que en palabras do alcalde “ben seguro que se converterá nun foco de actividade, nunha instalación de referencia para o fútbol de base no noso concello e para o deporte en xeral, sen esquecer o seu papel dinamizador da economía e da sociedade”.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
Os senadores do PP por Lugo, José Manuel Barreiro, José Manuel Balseiro e Juan Serrano, xunto co portavoz de Interior do Grupo Parlamentario Popular no Senado, Luis Santamaría, mantiveron unha reunión no Senado con representantes da Asociación Española de Gardias Civís na provincia de Lugo, que lles trasladaron as principais reivindicacións do colectivo e analizaron os problemas e necesidades que afectan á Garda Civil na provincia.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
