Centos de persoas seguiron en directo o VIII Campionato de Baristas de Escolas de Hostalería a través da web da Fundación TIC (www.fundaciontic.org), grazas a realización, gravación e emisión por streaming que levaron a cabo os alumnos de 2º do Ciclo de Realización da EIS, a única Escola de Imaxe e Son da provincia.
O Deputado de Economía do Coñecemento, Emprendedores e Innovación, Alfredo Llano, asistiu este martes no IES de Foz á final da competición na que participaron 17 centros de España e Portugal. O Deputado destacou que “no que levamos de certame estase a repetir o éxito de visitas de anos anteriores, no que se acadaron unhas 3.000 durante os tres días de encontros barísticos”. Deste xeito, afirmou Llano “a colaboración da TIC e o instituto focense demostra a importante labor de promoción que se está a levar a cabo nos últimos anos do encontro ó exterior”. De feito, os campionatos de baristas que se celebran estes días na Mariña son o referente en España nesta disciplina profesional, “o que da prestixio a imaxe da comarca luguesa e aumenta as posibilidades de inserción laboral no sector hostaleiro”, engadiu o deputado mariñao.
Ademais na emisión tamén se puido seguir a entrega de trofeos ós gañadores. Nesta ocasión, o mellor barista Internacional para escolas de hostalería foi parar ó coruñés Enrique Salgueiro Galdo, do CIFP Paseo Das Pontes. O segundo clasificado foi José Pérez Gayoso, do IES Villamarín, en Ourense; e o terceiro, o cántabro Juan Manuel Caviedes Hoyo, do IES Fuente Fresnedo.
Este mércores, en directo, o Campionato Profesional
A Fundación TIC tamén emitirá mañá a través da web www.fundaciontic.org o III Campionato Internacional de Baristas Profesionais, que se desenvolverá das nove da mañá ás dúas da tarde. Neste caso reunirá a 12 especialista, entre outros, os actuais campións baristas de Cantabria e da Comunidade Valenciana; e o campión de España do Forum Café, Adrián Fernández. A proba foi vista o ano pasado por máis de 2 mil persoas a través do streaming.
Ademais os que se achegan ata o instituto focense poden seguir ó detalle as actividades dos participantes a través das tres pantallas de plasma instaladas pola TIC, dúas no salón de actos onde se desenvolven as probas e unha colocada na cafetería do centro educativo.
Os alumnos de 2º de Realización da Escola de Imaxe e Son da TIC, co apoio docente, están a empregar unha unidade móbil, 5 cámaras autónomas e todo o material preciso para a emisión en directo do evento. Ademais co material que rexistren elaborarán e editarán un DVD, que se entregará logo ó IES de Foz.
A actividade forma parte das prácticas que se levan a cabo a través do módulo de Realización de Televisión da EIS co obxectivo de ofrecer formación de calidade ós estudantes con estes traballos en escenarios reais, xa que son eles os que realizan gravan e emiten por streaming o evento “rotando cada un dos postos, dende realización, son, ou operador de cámara”, sinalou Llano.
Apoio ó sector hostaleiro da provincia
A colaboración entre a TIC e o instituto de Foz é froito dun convenio entre ambas entidades, que ten como finalidade promover no exterior as ensinanzas de hostalería que se imparten no IES mariñán, ó tempo que os estudantes da Escola de Imaxe e Son completan a súa formación de cara a súa inserción laboral.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
