O Burela FS Pescados Rubén disputará cita con aires galegos este sábado, na pista do Viaxes Amarelle (Sagrada Familia, 18.00 horas) correspondente á 20ª xornada de Primeira División RFEF, antes do parón ligueiro pola fase final do Campionato de España de Seleccións Territoriais Sub-21 Feminino (Murcia, 8-9 de marzo).
O cadro de Iván Cao, Lucas, plantarase na cidade herculina co firme obxectivo de recuperar as rendas da vitoria tras o tropezo con Móstoles FSF. “Imos coa ilusión dos tres puntos para facernos fortes na terceira praza e manter as opcións de escalar á segunda” dicía o técnico laranxa destacando “a boa actitude e intensidade” do grupo durante a preparación da semana.
Pechando o podio, con 30 puntos, as burelistas mediranse á undécima praza do Amarelle, con 19. “Coa condición de derbi, sabemos que vai ser un encontro duro no que pode pasar de todo; ademais o rival é un equipo irregular que pode dar a sorpresa ante calquera equipo. Defenderá en media pista, á espera de aproveitar os nosos erros e saír á contra” advertía Lucas, puntualizando sobre os pormenores nos que o conxunto laranxa está a traballar para fortalecerse: “A finalización estanos custando, non podemos xerar tantas ocasións sen culminar; estamos traballando para revertir esa situación pero non é algo que se poida solucionar nin nunha nin en dúas semanas”.
En Vista Alegre, as burelistas impuxéronse 2-1.
A última sesión da semana está prevista para hoxe a partir das 19.30 horas. A expedición mariñá partirá mañá ás 14.30 horas, coa única ausencia de Patri, por lesión.
Convocatoria Burela Pescados Rubén: 1. Jozi, 3. Cristina, 5. Claudia, 7. Peque, 9. Gaby, 10. Lara, 11. Kiko, 17. Maite, 14. Bea Mateos, 18. Shiori, 19. Paula, 20. Tainã.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
