Burela, 25 de febreiro de 2015. O alcalde, José Mª González Barcia, mantivo unha xuntanza co novo conselleiro de Cultura e Educación, Román Rodríguez. No encontro analizaron aquelas cuestións que lle preocupan a Burela e que dependen deste departamento da administración galega.
González Barcia explicou que “o motivo da xuntanza con Román Rodríguez foi para expoñerlle as actuacións que consideramos deberían ser tidas en contas pola Consellería de Cultura e Educación nos vindeiros meses”. E lembrou que “este departamento da Xunta realizou un esforzo importante nos últimos anos con Burela, hai que recordar que este é o terceiro curso no que está a funcionar a extensión da Escola Oficial de Idiomas de Viveiro en Burela, no IES Monte Castelo, e que se investiron 100.000 euros na renovación da cuberta do CEIP Vista Alegre”.
O alcalde burelés dixo que hai dúas actuacións importantes pendentes: “unha é a cuberta do pavillón do CEIP Virxe do Carme. Este inmoble ten 30 anos e nunca se actuou nesa cuberta, que é de uralita con restos de onduline. O investimento a realizar nesta obra rolda tamén os 100.000 euros e somos conscientes de que a situación económica actual non é fácil. Imos estudar, entre Xunta e Concello, posibles canles de colaboración para que esta obra se poida realizar en canto sexa posible”. O Concello de Burela procederá ao acondicionamento dos vestiarios deste pavillón nas vindeiras semanas, tal e como xa anunciou o equipo de González Barcia hai uns días.
O rexedor engadiu que “o outro asunto pendente é a cuberta do IES Monte Castelo. A unidade técnica de Lugo fará os traballos pertinentes para valorar o seu estado e o importe da actuación a levar adiante”.
O conselleiro de Cultura e Educación e o alcalde de Burela tamén falaron sobre a Escola Oficial de Idiomas: “nos tres cursos que leva funcionando esa extensión da EOI de Viveiro en Burela a matrícula está a tope. O que lle plantexei a Román Rodríguez é a posible posta en marcha do ensino dun novo idioma coma o alemán ou aquel que sexa máis demandado pola sociedade burelesa”.
“E unha última cuestión da que falamos foi de buscarlle unha solución aos restos do hipocausto romano localizados no ámbito das obras de acceso ao porto. O conselleiro comprometeuse a axilizar este asunto. Eu plantexeille a necesidade desa urxencia na tramitación porque os traballos se retoman de xeito inmediato”, manifestou o alcalde de Burela, José Mª González Barcia.
Ao encontro tamén asistiu o secretario da Mesa do Parlamento de Galicia, José Manuel Balseiro.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna ao monolito da Cadeira, os simuladores de pilotaxe de moto GP e a exhibición de Stunt3Show, ou unha ruta turística. Ademais, houbo sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
