Burela, 18 de febreiro de 2015.- O Burela Pescados Rubén logrou o pase a semifinais da Copa Galicia tras vencer no duelo de cuartos ao Mosteiro Bembrive por 2-5. O encontro disputado na pista do conxunto pontevedrés comezou co conxunto burelés tomando a iniciativa e plasmando no marcador a súa superioridade. No minuto dez o Burela Pescados Rubén xa vencía por 0-3 con goles de Matamoros, Behroz e de novo Matamoros, esta vez desde o punto de penalti. O Bembrive apenas inquietaba ao conxunto mariñao que puido ampliar a súa renda aínda que serían os pontevedreses os que recortasen antes do descanso por mediación de Nene, minuto 19. Un minuto antes Matamoros sería expulsado por dobre amonestación.
Co 1-3 chegouse ao intermedio e na continuación o Bembrive tirou de intensidade e agresividade para intentar a sorpresa. Os laranxas frearon ben as súas acometidas e perdoaron o cuarto tanto en varias oportunidades. Na recta final o Bembrive apostou polo xogo de cinco e aproveitou un penalti cometido por Edu, expulsado ao acumular a súa segunda amarela, para reducir distancias (2-3) ao transformar Nene a pena máxima. A esperanza local esfumouse co 2-4 de Antoñito e Chano redondeou o triunfo co 2-5 final. Vitoria e clasificación para as semifinais da Copa Galicia na que o rival será o O Parrulo Ferrol da Segunda División.
Ficha técnica
Mosteiro Bembrive: Cuca, Eloy, Berni, Nene, Mario –quinteto inicial- Jacobo, Borrajo, Mario Kele, Chelito e Jhony.
Burela Pescados Rubén: Edu, Iago Míguez, Matamoros, Antoñito, Carlitos – quinteto inicial- Chano, Miguel, Behroz, Ángel e Álex.
Goles: 0-1, m.2, Matamoros; 0-2, m.7, Behroz; 0-3, m.10, Matamoros (pen.); 1-3, m.19, Nene; 2-3, m.35, Nene (pen.); 2-4, m.39, Antoñito; 2-5, m.39, Chano.
Árbitros: González Armada, Rodríguez Fernández (Ourense). Expulsaron a Matamoros e Edu no Burela e a Chelito e Bruno no Bembrive.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
