Lugo, 24 de febreiro de 2015.- O Grupo Provincial do Partido Popular asegurou este martes durante o transcurso da sesión plenaria da Deputación que “por moito que se intente facer política o que valen son os feitos e toca traballar para garantirlle aos lucenses o mellor sistema sanitario”.
Os populares recoñeceron que as declaracións da Conselleira de Sanidade, Rocío Mosquera, non lles gustaron pero aclararon que “non van facer política coa saúde da xente, senón loitar para que se cumpran os acordos de dotación de servizos no Hula. “Non permitiremos que non se materialice algún destes compromisos da Xunta de Galicia”, aclararon.
Emenda do GPP
O Grupo Provincial do Partido Popular propúxolle á Deputación de Lugo o acordo dun texto no que quedara patente o descontento do grupo popular coas declaracións da responsable de Sanidade e no que se reflectira o compromiso de garantir os servizos de Radioterapia, Hemodinámica e Medicina Nuclear. A proposta do GPP foi desbotada polos socialistas e nacionalistas que “ só buscan a foto” no lugar “de importarlles a saúde dos lucenses”.
Neste senso, os populares lembran a “hipocrisía e falla de memoria” do bipartito na Deputación, que forman parte dos mesmos grupos políticos que gobernaron na Xunta de Galicia e que “non deixaron nin unha mínima previsión de equipamentos destes servizos en Lugo”. Pola contra, a aposta da Xunta de Galicia pola sanidade en Lugo e a súa provincia é “clara, tal e como deixan patente os investimentos realizados na provincia”. Por exemplo, o investimento dende 2009 en infraestruturas sanitarias supera os 97 millóns de euros.
Os populares lembraron que Lugo conta co mellor hospital de Galicia e, probablemente co mellor de España, “iniciado, dotado e rematado cun goberno do PP. Outros tiveron ocasión de facer o que piden e non o fixeron”.
Compromiso da Xunta de Galicia
O Grupo Provincial amosa a súa plena confianza nas garantías do Goberno galego, que está a traballar co obxectivo de dotar o Hula dos servizos requiridos.
Os populares explican que dende o mes de xaneiro do 2014 está en funcionamento a nova sala de hemodinámica no Hospital de Lugo e, neste momento, atópanse en licitación os equipos de Radioterapia e Medicina Nuclear para Lugo e o prazo para que estean en funcionamento será como máximo o previsto na nova Lei: 18 meses tras a súa entrada en vigor, “nin un mes máis”.
Así, a discriminación que o bipartito achaca a Xunta de Galicia con Lugo “é falsa”, ata o punto de que, por exemplo, Lugo conta agora cunha sala de hemodinámica, cando antes non se dispuña dela, e o funcionamento é exactamente igual que a sala de Ourense, que puxo en funcionamento o Goberno bipartito. “Se alguén discriminou Lugo foi o Goberno bipartito da Xunta, que non foi quen de dotar e abrir o novo hospital”.
Polo tanto, O Goberno da Xunta continúa a dotar a Lugo de novos medios e servizos. E nesta liña, “agora o que toca é traballar para poder dispoñer, no prazo máis breve posible, dos servizos acordados. Son necesarios feitos e realidades e non demagoxia política, e a pesar de socialistas e nacionalistas, si haberá os servizos”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
