Lugo, 24 de febreiro de 2015.- O Grupo Provincial do Partido Popular aclarou este martes durante a sesión plenaria que o Plan de Obras e Servizos da Deputación é realmente “un plan municipal de obras, que se desenvolve grazas ao esforzo dos concellos”.
Os populares explicaron que a Deputación de Lugo está obrigada por lei a aprobar un plan de obras e servizos anual, porén “o aprobado polo ente lucense é o peor de todas as administracións provinciais galegas” e, segundo o GPP, “non aguanta comparativas dado a insignificante contribución da Deputación”.
Da contía total do plan para obras municipais, os concellos achegan o 54% (1.085.319,78 euros); mentres que a Deputación contribúe só cun 926.846,06 euros (46%). Circunstancia que, segundo os populares, demostra claramente que o POS “que se farta de vender a administración provincial, é un plan municipal que se leva a cabo grazas ao esforzo dos concellos”.
As administracións locais son as encargadas de elixir as obras que se acometen con cargo a este plan e, de facer a análise individual por actuación, no lugar de global; os populares explican que ata 20 concellos puxeron “máis diñeiro para a súa obra municipal ca Deputación; os restantes soen contribuír na obra ao 50%”.
Comparativa entre Deputacións
Partindo das mesmas circunstancias, a Deputación Provincial de Lugo achega aos concellos 926.846,05 euros; mentres que a da Coruña aporta 24,2 millóns, a de Pontevedra 12 millóns e a de Ourense 4,8 millóns.
Por último, a popular explica que un concello de Lugo recibe da Deputación un 93,5% menos ca un da Coruña con extensión e número de poboación similares. Así, Candia cita como exemplo Outeiro de Rei que recibe unha dotación da Deputación que escasamente supera os 14.000 euros, fronte aos 224.057,83 que recibe, por exemplo, Curtis.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
