Santiago, 13 de febreiro de 2015.- O Grupo Parlamentario Popular lembrou que o informe do Tribunal de Contas sobre a fiscalización do Centro Tecnolóxico e Alimentario (CETAL) “non é aínda definitivo”, pois quedan por resolverse as alegacións formuladas por esta fundación pública estatal nas que se nega calquera anomalía na xestión e contratacións realizadas por esta entidade.
Os populares emprazaron a Alternativa Galega de Esquerdas, que demandaba a través dunha iniciativa debatida hoxe na Comisión 7ª da Cámara galega a dimisión do director do CETAL, a esperar a que o actual informe “se eleve a definitivo” para adoptar as medidas que estimen pertinentes.
ESPERAR Á CONCLUSIÓN DO INFORME
De feito, tal e como explicou o deputado popular Jose Manuel Balseiro, “non se trata de eludir ningunha responsabilidade, senón evitar anticiparse” sobre as conclusións dun informe (que ten a natureza de anteproxecto) que poden variar tanto nos feitos descritos como nas recomendacións que formula.
Os populares rexistraron unha emenda na que demandaban “que, unha vez que o informe do Tribunal de Contas sexa definitivo, se teñan en conta todas as súas recomendacións e observacións, se adopten as medidas oportunas para resolvelas, incluída a depuración das responsabilidades políticas pertinentes, se existiran”, proposta que non foi aceptada por AGE, motivando o voto en contra do PP.
O deputado popular denunciou que o deputado de AGE Antón García “non ten personalidade política ningunha, pois durante o debate amosouse disposto a renunciar ao que pedía na súa iniciativa a cambio simplemente de que dimitira o director”. “Non lles interesa a xestión do CETAL ou a súa fiscalización, só buscan unha cabeza de quen lles incomoda”, concretou.
En todo caso, Balseiro quixo insistir en que as contas e os procedementos de contratación do CETAL son auditados todos os anos pola Intervención Xeral do Estado sen que conste observación ou anomalía algunha, e lamentou que non se tivera en conta a súa emenda, “que non restaba un ápice de esixencia”, pois os populares son os primeiros interesados nunha xestión eficaz e transparente deste organismo estatal, en cuxo padroado tamén está presente a Xunta de Galicia.
DEMISIÓN DE LUIS LAMAS
Por outra banda, en relación coa petición de AGE de dimisión de Luis Lamas, o deputado popular lembrou que chegaba tarde, xa que esta persoa presentou a súa renuncia como tesoureiro de CETAL o pasado 24 de xaneiro, un posto que non era retribuído. Balseiro explicou que “Lamas cometeu un erro por el mesmo recoñecido e polo que asumiu a responsabilidade política máis relevante que foi a dimisión, o que non implica que fora o mellor presidente na historia de Sogama”. Ademais, insistiu en que todo este proceso responde a unha discusión ética ou política, pero en ningún caso legal, xa que non existiu irregularidade ningunha.
Os populares tamén lamentaron que AGE aproveite un informe aínda non definitivo do Tribunal de Contas para facer xuízos públicos e condenas e pediulles que reclamen a mesma exemplaridade aos seus compañeiros de formación e, nese senso, lembrou notorias irregularidades das que son protagonistas dirixentes de Esquerda Unida.
Balseiro dixo tamén que “AGE aplica distintas varas de medir segundo lle convén”, e nesa liña lembrou que o propio Tribunal de Contas denunciaba que EU impediu fiscalizar os seus balances e incluso aseguraba, nun informe, que esta formación política non presentou o estado financeiro das súas organizacións territoriais federadas, nin sequera as súas contas de 2007 e outras 12, dun total de 18 requiridas, foron remitidas fóra de prazo.
A variada oferta de produtos de artesanía e de alimentación de temporada e proximidade á venda complementouse con degustacións de minihamburguesas de carne de raza Limiá e empanada de carne de porco celta e tenreira de raza Caldelá, que se repartiron gratuitamente entre as peroas que fixeron algunha compra no Mercadiño.
Os cortes produciranse do punto quilométrico 2,800 ao final da vía. Habilitaranse desvíos alternativos que estarán debidamente sinalizados.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
