Santiago, 26 de febreiro de 2015.- O Grupo Popular de Galicia rexistrou unha proposición non de lei no Parlamento galego coa finalidade de instar á Xunta de Galicia a impulsar diversas iniciativas normativas, técnicas e prácticas para conseguir “unha igualdade de xénero real” no sector pesqueiro.
Na súa proposta, os populares defenden que o Goberno debe prestar especial atención no tocante a promover a integración da muller no sector estrativo e na administración de empresas pesqueiras, e anima á Xunta a facerse eco das iniciativas que lles fan chegar desde os colectivos de mulleres.
APROVEITAR O FONDO EUROPEO MARÍTIMO
O voceiro do Mar do Grupo Popular, Jose Manuel Balseiro, apunta que o programa operativo de execución do novo Fondo Europeo Marítimo e da Pesca (FEMP), que se desenvolverá nos próximos sete anos, pode servir de base para financiar as actuacións específicas que se fomenten no ámbito da igualdade de oportunidades no sector marítimo pesqueiro.
Finalmente, na iniciativa se lle insta ao Goberno galego a dar apoio, técnico e económico, aos distintos colectivos de mulleres dedicadas a actividades do mar, tanto para a súa mellor organización como para o desenvolvemento das súas actividades.
MAIOR VISIBILIDADE Á PRESANZA DA MULLER
Balseiro aclara que dentro da pesca existen ámbitos onde as mulleres están moi presentes: como o marisqueo, a transformación e comercialización e a industria auxiliar (de xeito especial redeiras ou empacadoras). Sinala tamén que, “aínda que en Galicia o papel da muller como profesional do mar nada ten que ver co menor grao de recoñecemento que dispón noutros puntos de España”, cómpre seguir impulsando políticas de integración e de igualdade de oportunidades pesqueiras, “así como facer visible e revalorizar o traballo que a muller realiza no sector pesqueiro”.
O portavoz popular sinala o avance que supuxo ir desterrando un estigma anticuado, inxusto e irreal que situaba á muller neste tipo de actividades exclusivamente para desenvolver unha labor de apoio ao traballo que desempeñan os homes. Este pensamento xerou, nun primeiro momento dificultades para avanzar no recoñecemento dos dereitos laborais do colectivo de mulleres pero, “precisamente elas, de xeito moi destacado no ámbito do marisqueo, acadaron avances salientables en coincidencia coa transformación operada no sector, desde a mera recolección á técnicas máis avanzadas de cultivo”, aclara Balseiro.
Os datos demostran o papel da participación do colectivo de mulleres no sector pesqueiro. Das 57.236 persoas dadas de alta no Réxime Especial do Mar (REM) en decembro de 2014, a cifra de emprego feminino é de 8.730, é dicir, o 15,25 por cento. Deste segmento, o 61,23 por cento, isto é, 5.346 mulleres, son da Comunidade galega.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
