BARREIROS, 26 DE FEBREIRO DE 2015.- A agrupación socialista de Barreiros propón a María Carmen Veiga Rodríguez como candidata á Alcaldía. Así o acordaron por unanimidade na reunión celebrada, e na que a alcaldable asumiu publicamente o seu compromiso para “desbancar” ao PP nos vindeiros comicios porque o PSOE, subliña, “é o único partido cun proxecto realista para este concello”.
Neste senso, reclama que son necesarios “grandes cambios na xestión municipal”, pois o concello ten que poder resolver “os problemas básicos dos cidadáns, non como agora que non só temos o IBI máis alto da provincia, incluso por riba da do concello da capital, senón que é moi superior ao doutras cidades galegas que ofrecen e dispoñen de máis servizos, como é o caso de Santiago de Compostela. E todo iso, grazas ás políticas dos actuais Gobernos local e Central”, afirma.
Eixo de actuación
Así mesmo, Carmen Veiga confirma que xa está a traballar con colectivos e asociacións para elaborar o seu programa electoral que será “un plan de xestión” para Barreiros; un municipio que sofriu “como moi poucos” o retroceso xerado “por estes anos perdidos cos populares á fronte do Consistorio”. Por iso, avanza que o eixo de actuación socialista basearase no emprego, a Educación, a vivenda, o impulso ás políticas sociais, o apoio aos mozos, á participación cidadá, ao desenvolvemento de políticas igualdade e sostibilidades, á transparencia e á rexeneración democrática.
Persoa comprometida co Partido
A alcaldable, que leva vivindo nesta localidade máis de trinta anos, é formadora ocupacional de profesional. Destaca por ser unha persoa de Partido e comprometida co Partido. Ademais, conta cunha ampla experiencia no desenvolvemento político do municipio, xa que dende 2011 é a secretaria Xeral da agrupación local. Ten 53 anos, está casada e ten unha filla.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
