Bruxelas, 10 Febreiro 2015. Na mañá de hoxe a Comisión Europea presentou no pleno do Parlamento Europeo o aceleramento da “Iniciativa Europea en favor da Xuventude” –tamén denominada “Iniciativa sobre emprego xuvenil”/ “Garantía Xuvenil da UE”-, dado a coñecer publicamente o pasado mércores, no que plantexa o avance de mil millóns de euros para paliar o alto desemprego xuvenil do que adoece nestes momentos o territorio comunitario, no que “un de cada cinco mozos e mozas non teñen emprego remunerado, cinco millóns en total”, segundo salientou hoxe a Comisaria de Asuntos Sociais, Aptitudes e Mobilidade Laboral, Marianne Thyssen.
Na Galiza, segundo datos da EPA, dúas de cada tres persoas mozas de entre 16 e 29 anos non teñen traballo remunerado (aproximadamente o 66%). No Estado español, esta situación afecta ao 51,8% das persoas menores de 25 anos.
A eurodeputada da Alternativa Galega de Esquerda en Europa, Lídia Senra, presentou na Eurocámara no marco deste debate a situación na que nos atopamos no noso país, “máis de cen mil mozas e mozos tiveron que emigrar para atopar traballo fóra da Galiza”. Outra grande parte da mocidade, proseguiu, “está traballando nunha situación de precariedade tremenda que convérteos en ‘traballadores e traballadoras pobres’, e outras moitas e moitos non tiveron nunca nin tan sequera a posibilidade de traballar”.
Non obstante, e a diferenza da maioría de intervencións realizadas no pleno, a eurodeputada galega deixou ben claro que a inxección económica para facer fronte ao desemprego é tan só unha medida superficial, case que cosmética, xa que, con respecto ao caso galego “no noso país hai unhas causas fondas para esta situación de desemprego xuvenil: as políticas neoliberais”, sendo esta unha análise totalmente extrapolábel ao resto de países da UE.
Estas políticas, na Galiza, “destruíron sectores produtivos básicos como a pesca e como a agricultura, destruíron un sector estratéxico na nosa economía como é o sector naval e destruíron e deslocalizaron o tecido empresarial”. Aliás, “a partir do 2008 esta situación viuse agravada inda máis por mor das políticas de austeridade e a débeda contraída polos Gobernos”.
Polo tanto, dende Alternativa Galega de Esquerda en Europa demandamos unha actuación da política comunitaria “que vaia ao fondo do problema, sen eludir responsabilidades e ca conciencia de que este é un problema estrutural, intensificado por mor da inherente depredación social intrínseca ás políticas capitalistas neoliberais”.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
