Alfoz, 12 de marzo de 2015. Dez restaurantes e doce artesáns da comarca unirán o seu bo facer nos Menús Arte_sans, que se poderán saborear do 18 de abril ao 24 de maio, grazas a este novo proxecto da Mancomunidade de Municipios da Mariña.
O obxectivo é “presentar unha Mariña feita de oficios artesáns e de gastronomía, unha mostra da tradición e da cultura que dan lugar á nosa forma de vida, para que se experimente de forma distinta e para gozala cos todos os sentidos. A través da vista mirando as pezas elaboradas polos artesáns desta comarca, co tacto acariciando esas creacións e sentindo o traballo que hai detrás, co oído escoitando as súas historias, e co gusto percibindo os aromas dos alimentos, as súas cores, os seus matices, a súa textura e a súa forza”.
Lucas Requejo, coordinador do proxecto, dixo que “nos Menús Arte_sans asistiremos á sinerxia da artesanía coa gastronomía e viceversa”. As persoas que acudan a saborear os menús elaborados polos restaurantes participantes degustaranos en pezas artesáns creadas para a ocasión: pratos, navallas, bandexas, paneiras, etc… así percibirán “a alma da artesanía na mesa”, da artesanía e das creacións que se fan na Mariña.
O acto foi conducido por María Traveso, de Promove Consultoría. Na súa intervención o presidente da Mancomunidade, Alfonso Fuente, dixo que “hoxe estamos a presentar un novo produto na Mariña lucense: dende a Mancomunidade poñemos en marcha os menús artesáns, que se chaman así porque participan os artesáns, os restaurantes e hai unha colaboración cos Concellos, coas entidades privadas, neste caso restaurantes, e tamén co colectivo de artesáns. É a primeira vez que se fai isto na Mariña con doce artesáns que van poñer os seus traballos enriba da mesa e dez restaurantes van servir eses menús nesas pezas únicas e diferentes en cada restaurante. Isto queremos que sexa algo diferenciador doutras zonas para atraer nesta época na que quizais se traballa un pouco menos, para ir desestacionalizando o turismo, xa que isto iniciarase o 18 de abril e rematará o 24 de maio”.
Fuente Parga engadiu que “isto súmase a outras actividades e produtos que se veñen desenvolvendo dende a Mancomunidade, como son o Mes da Maxia ou as rutas de artesanía. Todo está ligado, porque todo é máxico na Mariña lucense e engloba o sentir desta zona. Para os menús tamén estamos contando cos produtos da Mariña: as hortalizas, as fabas, o peixe…; é dicir, todos os recursos que temos na Mariña lucense, que son moitos”.
Os restaurantes que participan no proxecto son Area Grande (O Vicedo), Nito e O Asador (Viveiro), Río de Oro (Cervo), hotel Nordés (Burela), Casa Damián (Foz), O Lar de Manolo, Parador de Turismo e Amodiño (Ribadeo) e A Casa do Fidalgo (A Pontenova).
Os doce artesáns que se dan cita nesta iniciativa da Mancomunidade de Municipios da Mariña son Otero Regal (ceramista de Viveiro), Miriam (ceramista de Viveiro), Óscar Rodríguez (xoieiro de Viveiro), Francisco Fra (carpinteiro de Ribeira de Cervo), As Redeiras de Burela, Félix Rodríguez (torneiro de Alfoz), Lucía Catuxo (ceramista de Trabada), José Rodil (navalleiro de A Pontenova), Regina (restauradora de Mondoñedo), Miguel Ángel (carpinteiro de Mondoñedo) e Pilar Maravalla (artista de Ribadeo).
Ao acto asistiron tamén a xefa de Área de Turismo en Lugo, Paloma Vázquez, a xerente de Artesanía de Galicia, Elena Fabeiro, así coma alcaldes e concelleiros da Mariña. Ao remate tivo lugar unha degustación de pastelón de bacallau, horta de tempada da Mariña e tartar de kiwi do Valadouro.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
