O Burela FS Pescados Rubén entra ao grande nos anais da Copa de España. Fai historia na súa estrea no grande escaparate do mellor fútbol sala en Cidade Real 2015; xogará as semifinais despois de apear o vixente campión, Inter Movistar (1-2), nun encontro moi axustado que decidiu Antoñito a 11 segundos para a bucina final, autor dos dous tantos laranxas.
Souberon incomodar ao favorito os de Juanlu e conter a avalancha da máquina interista neutralizando a súa capacidade goleadora cunha defensa serena e solidaria, xunto a un Álex sublime, impecable en todas as chegadas dos de Alcalá de Henares; o meta laranxa realizou grandes intervencións nos dous penaltis tras falta de Matamoros, no minuto 2 ante Rafael, e de Miguel, no 8 fronte a Rivillos. No medio o porteiro burelista tamén desartellou unha vaselina de Ricardinho (minuto 5). Superado o ecuador da primeira parte, Iago Míguez tivo nas súas zapatillas un toque de ouro desde balón parado de Matamoros que tocou en Rafael na liña de meta. Comezaron a acentuar a súa presión os mariñáns sen deixar de crer nas súas posibilidades e gañaron metros en ataque, coa combinación Matamoros-Antoñito (minuto 15) e un contraataque de Bellvert (minuto 16) como as ocasións máis claras con denominación de orixe galega.
Sen moverse o marcador, a segunda parte arrincou con máis do mesmo, co axexo de Inter ante o parapeto de Álex. Xa no minuto 21, o porteiro laranxa freou por partida dobre a Cardinal. Tras unha boa oportunidade de Iago Míguez, Rafael culminou a asistencia de Ricardinho no minuto 24 para poñerse por diante. O Pescados Rubén, fiel ao seu rol de solidariedade en defensa, tamén quixo soprender a Herrero, cun disparo exterior de Behroz (minuto 27) e Matamoros desde propia pista (minuto 29), aínda que foi Antoñito quen conseguiu a tan ansiada igualada no minuto 32 cun zapatazo tras coarse entre a defensa interista. Intensificou o campión de Liga e Copa o seu perigo sobre a meta laranxa sen nada que facer ante a perfección de Álex. A tan só 11 segundos para o final, Antoñito volveu ver a portería de Herrero en parede con Miguel para xúbilo do Quijote Arena. Era o 1-2, o Burela FS estaba con pé e medio na semifinal da Copa e o rival apostou polo talento de Ricardinho con xogo de cinco. Aínda dispuxeron os de Juanlu dun par de balóns a porta baleira para ampliar distancias.
Para seguir escribindo a historia laranxa con letras de ouro o próximo destino é Jaén Paraíso Interior, que tamén deu hoxe a sorpresa impoñéndose a ElPozo Murcia (2-4). A cita de semfinais será o sábado, ás 17.30 horas (Teledeporte).
Venres 13 de marzo de 2015, CUARTOS
19.00 horas: Magna Navarra-Palma Futsal CC3
21.15 horas: FC Barcelona-Aspil Vidal Ribeira Navarra FS CC4
Sábado 14 de marzo de 2015, SEMIFINAIS
17.30 horas: Jaén Paraíso Interior-Burela FS Pescados Rubén
19.45 horas: Vencedor CC3-Vencedor CC4
Domingo 15 de marzo de 2015
20.00 horas: FINAL
Ficha técnica
Inter Movistar FS: Jesús Herrero, Rafael, Pola, Cardinal, Ricardinho, cinco inicial; tamén xogaron Rivillos, Lolo, Álex, Daniel, Borja, Ortiz
Burela FS Pescados Rubén: Álex, Bellvert, Iago Míguez, Matamoros, Carlitos, no cinco inicial; tamén xogaron Antoñito, Chano, Miguel, Behroz
Goles: 0-1, minuto 24, Rafael; 1-1, minuto 32, Antoñito; 1-2, minuto 39, Antoñito
Árbitros: Montes Pardo, Jesús (Cartagena) // Martínez Flores, Alejandro (Murcia)
Tarxetas: Por Movistar amarela a Cardinal, Ortiz, Rivillos. Por Burela amarela a Matamoros, Behroz
Incidencias: Partido correspondente a cuartos de final da Copa de España Cidade Real 2015 disputado no pavillón Quijote Arena, coa asistencia do secretario Xeral para o Deporte da Xunta de Galicia, José Ramón Lete Lasa, entre as autoridades presentes.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
Será desde as 11 horas. Trátase dun reto por parellas no que enxeño, concentración e traballo en equipo serán claves para completar o puzzle no menor tempo posible. Agárdase a participación duns 40 equipos e haberá premios para os tres mellores tempos e un recoñecemento ao mellor tempo local. O Concello de Cervo anima a apoiar
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
A mostra permanecerá aberta ao público ata o 4 de novembro.
O Concello destacou que esta primeira edición nace para impulsar a creación literaria e manter vivo o legado de Manuel García-Galano. A obra gañadora, definida pola autora como unha historia de suspense psicolóxico sobre amizade, lealdade e segredos, engádese á programación cultural da XXXIII Feira Campomar. Con este premio, o concello inicia unha traxectoria destinada a honrar a figura do escritor a través da literatura.
Villares felicitou á entidade lucense polos éxitos acadados na última tempada e puxo en valor “o traballo e dedicación dos nadadores e nadadoras e o esforzo do equipo técnico” do club. Recalcou en especial o impulso ao deporte base dende idades moi temperás, en liña coa aposta da Xunta por fomentar a actividade física entre os nenos e nenas con accións como o programa de deporte escolar Xogade, que no curso pasado chegou case ao 60% do alumnado galego.
