Cervo, 6 de marzo de 2015- O Concello de Cervo está apostando polo deporte a través de diversas vías, e unha delas é “manter e mellorar as instalacións onde se practica deporte” asegura o edil de Deportes, Luis Guillén, que engade que “tamén é moi importante ofrecer cursos e actividades para fomentar a práctica de exercicio físico a través dun servizo público e con taxas subvencionadas”.
Este é o caso das actuacións que se están levando a cabo na piscina municipal de Lieiro nos últimos anos, como a adquisición de tres novas máquinas de exercicio para o ximnasio instaladas recentemente, que xa están utilizando os usuarios e que “veñen a mellorar e completar a oferta deportiva”. Unhas máquinas que supuxeron un investimento de 13.000 euros que foron sufragados con fondos municipais.
Sen esquecer as obras de ampliación realizadas hai uns meses no mesmo ximnasio, que permitiron dispoñer de máis espazo e instalar máquinas de adestramento de remo cedidas polo Club Náutico Amigos do Mar e, polo tanto, diversificar servizos.
No caso da piscina, fixéronse obras na estrutura da instalación, como a reparación da cuberta, e a mellorar o sistema de quecemento da auga para facelo máis eficiente e que, desta forma, se reduza o consumo eléctrico, así como outros traballos de mantemento.
En canto ás actividades ofertadas, estanse impartindo cursos de iniciación e perfeccionamento de natación para adultos, aquagym, e mantense activa a Escola Infantil Municipal de Natación que inclúe seis niveis de aprendizaxe e un último de perfeccionamento.
Na prestación destes servizos teñen un papel fundamental os socorristas e monitores, que ascenden a un total de 10 persoas, entre traballadores contratados e mozos que fan prácticas remuneradas a través do plan de fomento do emprego xuvenil do Concello.
Cabe destacar que nos últimos anos os socios da piscina foron aumentando considerablemente, Así, de 2011 a 2014 os socios creceron un 21%, pasando de 662 a 802, resultado “desa combinación de mellora das instalacións e fomento de actividades xunto cunhas taxas subvencionadas”.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
Destacou o apoio da Deputación ao sector primario a través da Granxa Gayoso Castro, centro de referencia en recría, formación e innovación. O evento, organizado pola Asociación Pura Raza Cabalo Galego, incluíu o concurso morfolóxico de distintas categorías —ponis, cabalos do país, cruzados, percheróns, Pura Raza Galega e andadura serrada e chapeada— e unha exhibición de doma de alta escola con eguas de pura raza galega.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
A celebración estivo organizada pola asociación cultural Ourofest coa colaboración do Concello do Valadouro e contou co apoio do Goberno galego. Villares participou na celebración litúrxica, que contou coa actuación do coro da Escola de Música ‘Ao Compás do Río Ouro’, e compartiu coa veciñanza esta xornada festiva de especial arraigo na localidade.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
