Acaban de rematar no municipio de Xove os traballos dunha INSTALACIÓN SOLAR FOTOVOLTAICA para autoconsumo da Estación Depuradora de Augas Residuais (EDAR) de Palmeiro, en A Rigueira. Concretamente este xoves, e despois duns días de proba, procedeuse á súa conexión á rede e comezou a funcionar. Esta instalación, ubicada sobre unha marquesina, vai conectada á rede interior da EDAR e queda perfectamente integrada paisaxisticamente dentro do conxunto da estación depuradora.
Esta actuación, que tivo un presuposto inicial de 62.241,70 €uros, foi adxudicado en concurso á empresa INELSA en 51.038,19 €uros, o que supuxo unha importante rebaixa no investimento. Desta cantidade final, o AGADER (Axencia Galega de Desenvolvemento Rural) aportou a cantidade de 39.269,80 €uros, aportando o Concello a parte restante, concretamente 11.768,31 €uros.
As instalacións fotovoltaicas axudan á CONSERVACIÓN DO MEDIO AMBIENTE, xa que xeneran enerxía eléctrica dunha forma limpa e renovable. Esta actuación vai supor un doble aforro para o noso Concello: por un lado na factura da lus (CUNHA PREVISIÓN DE AFORRO SUPERIOR AOS 6.000 €UROS ANUAIS), xa que toda a enerxía consumida a través desta instalación supón restar da consumida por canles ordinarios (petróleo, etc.); por outra parte, tamén supón un aforro en emisións de CO2 á atmósfera, dado que canto menos combustible se queima menos se contamina.
Non é esta unha actuación illada. Tal como dí o alcalde, “o Concello está inmerso nun proceso de renovación das fontes enerxéticas que abastecen ás distintas instalacións municipais, nunha CLARA APOSTA POLAS NOVAS ENERXÍAS RENOVABLES. Todo este tipo de actuacións supoñen unha aposta de futuro, unha aposta polas novas enerxías, máis limpas e menos contaminates; supón tamén unha preocupación polo noso entorno, dado que temos a obriga de deixarlle un mundo mellor e máis limpo ás xeneracións vindeiras. Facendo un pouco de memoria, hai que recordar que inda non hai moito se realizou unha instalación similar na Piscina Municipal de Xove coa colocación de paneis solares no seu tellado”.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
