Lourenzá, 24 de marzo de 2015.- A alcaldesa de Lourenzá, Emma Álvarez Chao, deu a coñecer esta mañá as actividades programadas o vindeiro sábado para celebrar o primeiro aniversario da apertura do Pazo de Tovar tras a súa restauración. Haberá un concerto de cantigas de amigo, acceso gratuíto ese día pola tarde ás instalacións e inauguraranse dúas exposicións.
A rexedora explicou que “o vindeiro sábado, 28 de marzo, cúmprense un ano dende que a Fortaleza de Tovar abriu as súas portas nun conxunto para que todos os visitantes, foráneos e tamén veciños do concello, puideran coñecer esta xoia arquitectónica que temos e que é única na Mariña de Lugo. Hai que ter en conta que é un pazo do século XVI que ten un aire castelán e polo tanto é un pazo diferente aos que estamos acostumados a ver na nosa xeografía”.
Álvarez contou que “para celebrar este ano de traxectoria organizamos un pequeno acto, no que contaremos cun concerto do grupo de música Antiga Meendinho, de Santiago, que ofrecerá E moiro-me d’amor, cantigas de desexo e soidade, cantigas de amigo dos séculos XIII e XIV, algo moi apropiado para escoitar nun entorno como é o Pazo de Tovar. A xente que se acerque ao Pazo de Tovar o sábado á tarde terá unha xornada de portas abertas, é dicir que o acceso será gratuíto para que poidan visitar a fortaleza e tamén o centro de interpretación da vida pacega en Galicia”. E engadiu: “por outro lado, hai dúas exposicións, inaugurarase A natureza feita arte, que é unha exposición do Centro de Artesanía e Deseño da Deputación de Lugo composta por cerámica, cestería e traxes rexionais. Tamén ese mesmo día se inaugura outra exposición que se chama Encadrados, que está composta por pintura e fotografía de artistas mariñáns. Esta mostra está organizada pola asociación Tovar e Pimentel, da que forma parte a Fortaleza de Tovar”.
A alcaldesa laurentina rematou con esperanza de que “este día de lecer que imos pasar no Pazo de Tovar sexa do agrado de todos os visitantes e animamos aos veciños e veciñas de Lourenzá e á xente que poida estar pola Mariña a que se acerquen e gocen destas cantigas de amigo, moi apropiadas para escoitar nun entorno único, como é o Pazo de Tovar”.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
