Lugo, 24 de marzo de 2015.- O Presidente da Deputación, José Ramón Gómez Besteiro, acompañado do Alcalde da Pontenova, Darío Campos Conde, e de ducias de veciños, avanzou este martes en dito Concello lucense que o organismo provincial achegará 445.324 euros na Pontenova para novas dotacións municipais. Entre estas actuacións atópanse a mellora das instalacións de espazos deportivos (350.000 euros); o financiamento de novas traídas de augas e a mellora de camiños en diversas parroquias (75.000 euros); así como a compra dunha motoniveladora (20.000 euros).
Gómez Besteiro informou que “estas actuacións, que responden ás peticións das veciñas e veciños nos orzamentos participativos, benefician de xeito directo a máis de 300 persoas do Concello”. O Presidente destacou que “a Deputación aposta por reivindicar a vida no rural como unha das liñas de traballo principais da institución” e valorou que “con elas impulsamos o desenvolvemento económico, demográfico e social da zona”.
Pola súa banda, o Alcalde da Pontenova agradeceu a colaboración da Deputación e destacou que “estas actuacións, unhas das máis necesarias co Concello, axudarán a mellorar a calidade de vida de centos de persoas”.
Instalacións deportivas
As novas dotacións deportivas, que o organismo provincial financia con 320.000 euros, son “unha vella demanda dos veciños”. Gómez Besteiro afirmou que “logo destas actuacións, este campo de fútbol converterase nun dos referente en toda a Mariña oriental, pois contará coas mellores instalacións da zona”.
As obras consisten, por unha banda, no acondicionamento do campo de fútbol, no que se substituirá o céspede, se instalará un novo sistema de rego, melloraranse os vestiarios e farase un novo peche para o recinto. No Concello atópase a sociedade deportiva Sporting Pontenova, que conta con máis de 70 persoas nos seus 3 equipos: veteranos, xuvenís e o equipo principal, que agora se atopa competindo en segunda rexional. Por outra banda, melloraranse tamén os campos de tenis, co cambio do solo e do pintado.
Impulso do medio rural
A Deputación financia a instalación unha nova rede de abastecemento de auga, solicitada pola Asociación de Veciños San Xulián. Esta actuación consiste na instalación de preto de 3.000 metros de tubaxe ao longo do núcleo de Vilaboa e conta cunha achega de 25.000 euros. Por outra banda, respondendo ás peticións dos veciños nos orzamentos participativos, a Deputación achega 50.000 euros para para mellorar o firme de camiños en Conforto e Xudán, a instalación dun saneamento no barrio O Couso ou a construción de varios depósitos de auga. Outra das achegas, de 20.000 euros, servirá para financiar a compra dunha motoniveladora para diversos usos municipais.
1,9 millóns de euros
A institución provincial investiu durante os últimos anos máis de 1,4 millóns de euros, para dotar ao Concello de novos servizos e infraestruturas públicas como: a mellora da estrada A Pontenova-Augaxosa; as obras de ampliación do cemiterio de Xudán; o acondicionamento e mellora en accesos en Goiós e a pavimentación dos accesos ó campo de fútbol da Pontenova e da praza da rúa da Feira.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
