Santiago de Compostela, 03 de marzo de 15. O portavoz de Pesca do Grupo Socialista, José Ramón Val, acusou este martes á Xunta de obrigar á flota de cerco galega a situarse “no fío da navalla” coa sucesiva perda de capacidade e dereitos de pesca en tódalas especies. Así o dixo no debate dunha pregunta oral na Comisión de Pesca do Parlamento, na que criticou a “improvisación e falla de criterio” da Xunta no reparto das cotas de pesca.
Tanto a xarda como o xurelo como a situación da pesca da sardiña sofren as consecuencias do desleixo do goberno galego, que deixa á flota galega, a mais importante do Estado, discriminada con relación a outras comunidades autónomas. A improvisación e falla de claridade da Xunta, que “vai a remolque”, permite un trato desigual que pon en risco a supervivencia das empresas pesqueiras galegas.
Criticou que a conselleira leve seis meses co plan de xestión da sardiña sobre a mesa “sen facer nada”cando os 400 buques de España e Portugal teñen que repartirse 19.000 toneladas e os 50 vascos, que descargaron 14.000 toneladas en 2013, viron á súa zona quedou excluída do plan.
Explicou que os barcos de cerco estanse a converter en empresas “inviables” cando ven que terán pechada a pesqueiría da sardiña ata marzo, que onde antes recollían 7.000 quilos diarios agora teñen que conformarse con menos de 2.000 á semana durante só tres meses.
A mesma situación reflíctese na pesca da xarda, na que Galicia perderá o 25,5 por cento das posibilidades de pesca tendo a flota mais importante, ou no xurelo, recortado nun 26 por cento na zona VIII c.
A situación do xurelo é sintomática, dixo, a falla de criterio do goberno, xa que no reparto de 2015 a flota galega é “castigada” cun maior recorte por unha suposta sobrepesca de 1.554 toneladas mentres comunican que o ano pasado deixáronse de pescar 1.000 toneladas no cómputo global.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
