A Vicepresidenta Segunda, Lara Méndez, e a Alcaldesa de Viveiro, María Loureiro, acompañadas polo Deputado de Economía do Coñecemento, Emprendedores e Innovación, Alfredo Llano, e Concelleiras viveirenses, comprobaron este sábado o resultado das obras de dotación do primeiro parque ambiental de Viveiro, do que xa desfrutan os cidadáns desta localidade mariñá. Méndez e Loureiro tamén supervisaron o avance das obras do plan de reordenación do tráfico, que estará listo para a Semana Santa. O conxunto destas actuacións conta cun orzamento de case 300.000 euros da Deputación e responden ás peticións dos veciños nos Orzamentos Participativos.
O organismo provincial financiou o proxecto do parque ambiental con 102.814 euros, dos que 80% son fondos europeos do seu programa medioambiental Lug02. Supuxo as seguintes actuacións:
– eliminación da zona infantil existente ao fondo do paseo marítimo, unha zona que rexistra moito tráfico e que está a escasos metros da Avenida de Ferrol; xunto ao posterior acondicionamento deste espazo como zona verde.
– instalación dun novo parque noutra zona do paseo máis céntrica e próxima ao casco histórico, polo tanto, máis segura; de maiores dimensións e con aparellos para nenos a estrear, como, por exemplo, un rocódromo, un columpio niño ou un dobre. Todo isto sobre unha pavimentación de preto 400 metros de caucho continuo. Tamén se situaron carteis informativos sobre a riqueza medioambiental da zona.
Listo para Semana Santa
Avanzan a moi bo rítmo as obras do plan da maior reordenación do tráfico rodado en Viveiro das últimas décadas, que se están executar con 185.000 euros da Deputación e estarán listas para a Semana Santa, conseguindo que os miles de cidadáns que asisten a esta multitudinaria cita de interese turístico internacional gozarán dun Viveiro máis cómodo, moderno e accesible. Este proxecto é unha vella reivindicación dos viveirenses, tal e como o manifestaron na xuntanza participativa no partido xudicial de Viveiro para a elaboración do Presuposto 2015 do organismo provincial. O seu obxectivo é desconxestionar a circulación de vehículos e peonalizar o casco histórico, dando continuidade aos traballos iniciados polo anterior Alcalde, Melchor Roel.
As actuacións deste plan comprenden sete zonas diferenciadas:
– A primeira delas correspóndese co cruce de Verxeles, que dá acceso á ITV e á estación de ferrocarril, onde se creará unha rotonda que permita xirar a vehículos pesados.
– Na segunda, o cruce de acceso ao casco histórico dende Verxeles, crearase outra rotonda que permita regular o tráfico e o acceso ao casco histórico.
– Tamén se actuará na zona próxima á Misericodia, reducindo as dimensións da rotonda e as beirarrúas existentes para mellorar a maniobrabilidade dos vehículos e cambiando a ubicación actual do paso de peóns.
– No tramo comprendido entre a Ponte da Misericordia e a rotonda da oficina de turismo, aumentarase a dimensións das beirarrúas, soterraranse contenedores de lixo e crearase unha zona de carga e descarga.
– Nesta mesma zona, tamén se reconfigurará a entrada e saída dos vehículos: a entrada realizarase fronte á praza de abastos e a saída pola rotonda da oficina de turismo, cambiarase a ubicación dos pasos de peóns e instalaranse novos semáforos.
– Na zona da Cruz Roxa, tamén se reubicará o paso de peóns cara a saída da ponte e se mellorará a sinalización horizontal e vertical.
– Finalmente, entre a praza de Lugo e a porta de Carlos V, quedará cun só carril en dirección Celeiro. Deste xeito, o espazo do carril eliminado será empregado para crear prazas de aparcamento para o casco histórico.
Avenida de Cervantes a Praza Juan Donapetry
Tras a Semana Santa, iniciaranse as obras de mellora do pavimento e dotación de servizos no treito comprendido entre a Avenida de Cervantes e a Praza Juan Donapetry, financiadas con 470.000 euros da Deputación. Consistirán na reposición integral do firme da estrada LU-P-6605 e das zonas peonís da súa contorna con pedra granítica; mellora da rede de saneamento; restitución do alumeado público (situaranse iluminarias ao longo do vial, que serán tipo lead para un menor consumo); canalización dos servizos para o suministro eléctrico e de telefonía (pasarán a estar soterrados, mellorando a imaxe visual); dotación de mobiliario urbano (bancos, papeleras, xardineiras…) e zonas verdes para humanizar a zona; e soterramento dos colectores de lixo. Unha vez finalizadas estas actuacións, levarase a cabo a modificación do sentido de circulación dos vehículos. A rúa terá sentido único de circulación cara arriba, co que se pretende minorar o tráfico rodado e evitar retencións.
Preto de 800.000 euros
Con estes 3 plans –reordenación do tráfico, parque ambiental e melloras entre a Avenida de Cervantes e Praza Juan Donapetry-, a Deputación inviste preto de 800.000 euros na transformación de Viveiro e posta en valor do seu casco histórico.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
A clientela aproveitou esta cita para facerse con artigos de tempada a prezos moi interesantes. É a segunda vez neste mes de agosto que se celebrou o Comercio na Rúa en Ribadeo. Para a organización desta campaña Acisa contou coa colaboración do Concello de Ribadeo, Comercio Galego e Xunta de Galicia.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
