Trabada, 18 de abril de 2015.- A actual portavoz municipal do Bloque en Trabada, María Xosé Fernández encabezará a lista do BNG na localidade; na que os seis primeiros postos están ocupados por persoas menores de 40 anos. Segundo a actual portavoz municipal e candidata á alcaldía “é un xeito de demostrar que Trabada ten futuro, que a xente moza acredita no noso concello e está disposta a dar pasos adiante para sacalo do parálise no que se atopa tras perto de 40 anos de gobernos do Partido Popular.”
Os nacionalistas, que se presentan baixo a fórmula BNG-Asembleas Abertas, presentan unha candidatura formada por 7 persoas menores de 40 anos, 7 homes e catro mulleres das cales, 4 persoas son independentes.
“Presentamos unha candidatura capaz de sacar a Trabada dun desgoberno no que leva demasiado tempo, socialmente representativa de todas as parroquias e de todos os sectores”, afirma María Xosé Fernandez, que destaca que “o Bloque é garantía de seriedade e honradez, traballando por defender os intereses xerais e poñendo a representación municipal ao servizo da xente”.
Mocidade e experiencia ao servizo de Trabada
Despois da actual portavoz municipal, María Xosé Fernández, de 34 anos e licenciada en Dereito, integran a lista no segundo posto Xosé Manuel Pousada Barrera, de 39 anos, operario-condutor, actualmente no desemprego. No número tres irá Borxa Logares, de 27 anos e licenciado en Filoloxía galega e hispánica e no cuarto posto, Isabel Fernández, de 34 anos e licenciada en Economía.
A lista complétana Nelson García Braña, Xusto Fernández Fernández, Begoña Méndez Amor, Venancio Quinta Alonso, Fernando Gómez Oliveros (que foi concelleiro do BNG en Trabada entre o 2003 e o 2007), José Ángel Suárez Barcia e Mª Ilda Gómez Villarino.
“É unha candidatura que conxuga mocidade con ganas de traballar e avanzar no concello coa experiencia que aportan persoas que xa participaron noutras ocasións en candidaturas do BNG”, explica María Xosé Fernández. “Temos a lista máis capaz para sacar adiante un proxecto no que Trabada se sitúe no mapa dos concellos deste País e traballaremos para acadalo”, conclúe.
CANDIDATURA BNG-Asembleas Abertas TRABADA
ELECCIÓNS MUNICIPAIS 2015
1. MARÍA XOSÉ FERNÁNDEZ FERNÁNDEZ 34 anos. Portavoz municipal en Trabada. Licenciada en dereito, conta cun máster en Dereito Administrativo Local e o Doutorado en Dereito Público . Avogada. Fórnea
2. XOSÉ MANUEL POUSADA BARRERA. 39 anos. Operario condutor. Actualmente desempregado. Vilapercide. Trabada.
3. BORXA LOGARES CARBAJALES. 27 anos. Licenciado en filoloxía galega e hispánica. Conta cun master en formación do profesorado. Vilarbetote. Sante.
4. Mª ISABEL FERNÁNDEZ REIGOSA. 34 anos Licenciada en Economía. Traballa como economista. Fórnea.
5. NELSON GARCÍA BRAÑA. 24 anos. Técnico de mantemento nunha multinacional. Trabada.
6. XUSTO FERNÁNDEZ FERNÁNDEZ. 31 anos. Traballador dunha auxiliar de Alcoa. Fórnea.
7. BEGOÑA MENDEZ AMOR. Comercial autónoma. Ría de Abres.
8. VENANCIO QUINTA ALONSO. 52 anos. Operario en comercial agrícola, Trabadela. Sante.
9. FERNANDO GÓMEZ OLIVEROS. 55 anos. Gandeiro. Presidente da Comunidade de montes Monte Paleira. Valboa.
10. XOSÉ ÁNGEL SUÁREZ BARCIA. 50 anos. Licenciado en Filosofía. Traballador no SERGAS. Trabada.
11. Mª ILDA GÓMEZ VILLARINO. 65 anos. Carteira xubilada. Valboa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
O sindicato denuncia a decisión unilateral da empresa de retirar días de descanso e implantar quendas que dificultan a conciliación. As concentracións serán nos centros de traballo de Foz (Uxío Novoneira s/n) e Ribadeo (Avda. Galicia 27). Lémbrase que non é unha folga e apélase á solidariedade da plantilla para defender as condicións laborais conquistadas.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
Os servizos sanitarios trasladaron ao hospital a tres persoas implicadas nunha colisión frontal en Castro de Rei. Unha delas tivo que ser excarcerada polos Bombeiros de Vilalba. Contra as 11:15 horas deste martes, un particular informou ao 112 Galicia dun choque entre dous vehículos no quilómetro 71 da N-640, á altura da parroquia de Viladonga. Desde o punto, os alertadores sinalaron que unha persoa permanecía atrapada. Desde o Centro Integrado de Atención ás Emerxencias activouse un operativo no que participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada. Os bombeiros liberaron á persoa, que foi trasladada xunto con outros dous feridos ao hospital en ambulancia.
