A Xunta de Goberno celebrada este venres aprobou as bases e a convocatoria dunha liña de axudas destinadas ao sector gandeiro para impulsar o rural e o sector primario, estratéxicos para a economía na provincia de Lugo.
Manuel Martínez destacou que esta convocatoria “responde ás peticións realizadas polos veciños durante as xuntanzas de elaboración dos Orzamentos Participativos 2015, que estamos na obriga de convocar e e executar no ano actual”. O voceiro provincial socialista subliñou que “este feito, xunto coa delicada situación pola que atravesa o sector na actualidade, son máis que suficientes para xustificar a urxencia de prestar o maior apoio posible en todos os frentes aos nosos gandeiros.”
De feito, o lácteo é un dos sectores estratéxicos da economía galega e, así mesmo, da lucense. Hai que ter en conta que o 56% da produción láctea española procede de Galicia e desta, o 46,2% -máis de 1 millón de toneladas anuais-, da provincia de Lugo, grazas ás máis de 4.000 explotacións gandeiras que xeran uns 25.000 empregos.
Sen embargo, o leite dos gandeiros galegos é o peor pagado do país, con prezos que en orixe reducíronse en máis dun 18% ao longo do pasado ano, o que deixa ao sector nunha situación delicada logo da recente desaparición do sistema de cotas. A isto habería que sumar os problemas con algunhas industrias, “dos que os gandeiros son vítimas e non culpables, como opina, por exemplo, o señor Feijóo, pese a que mesmo a Comisión Nacional da Competencia sancionara as condutas abusivas dalgunhas destas industrias”, denunciou Manuel Martínez.
200.000 euros para organizacións gandeiras
Esta liña de axudas conta cunha partida de 200.000 euros que se destinarán a subvencionar actividades de funcionamento e organización de produtores de leite, de xeito que poidan contar con persoal e recursos suficientes e de calidade para evitar o desequilibrio entre produtores e industrias no novo escenario tras a desaparición das cotas. O sistema de concesión será o de concorrencia non competitiva, de xeito que ningún dos futuros beneficiarios perciba menos do 20% do orzamento total.
En canto aos beneficiarios, estes poderán ser organizacións de produtores de leite radicadas e con actividade na provincia de Lugo, que deberán estar inscritas no Rexistro Nacional de Organizacións e Asociacións de Produtores de Leite e no Rexistro Autonómico de Produtores. As axudas están pensadas para subvencionar, entre outros, gastos de persoal; gastos de adquisición de programas informáticos; de asesoramento xurídico, financeiro, ou técnico en asuntos como, por exemplo, a concertación de contratos coa industria; gastos financeiros, notariais ou periciais, etc. Para poder seren subvencionadas, as actividades das que deriven ditos gastos deberán executarse ao longo deste ano.
As bases que rexerán esta convocatoria publicaranse no Boletín Oficial da Provincia ao longo da vindeira semana. Unha vez publicadas no BOP, os interesados terán un prazo de 15 días hábiles para presentar a documentación anexa a ditas bases.
Criterios de valoración
As axudas outorgaranse en función dos criterios sinalados nas bases, e serán valorados por unha Comisión Técnica. Entre outros estarán, por exemplo, unha maior puntuación canto maior sexa o número de gandeiros integrados na organización; o número de Concellos da provincia na que estea implantada a organización; o número de persoal contratado.
Neste punto en particular, e co fin de defender o traballo de calidade, os contratos cunha duración menor a 6 meses non será valorados e terá especial consideración a estabilidade laboral, as melloras salariais e sociais, así como os contratos a tempo completo respecto aos contratos a tempo parcial.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
